လီဗာပူးတောင်ပံကစားသမား ဆာလက်က ဝီရက်ဇ် နဲ့ အီဆက်တို့ဟာ ဒီယက်ဇ် နဲ့ နူနက်ဇ်တို့ကို အဆင့်မြှင့်လိုက်တာလို့ ပရိသတ်တစ်ဦးထံ ပြန်လည်တုံ့ပြန်လိုက်ပါတယ်။ ပရိသတ်တစ်ဦးက တွစ်တာကနေ ဝီရက်ဇ် နဲ့ အီဆက်တို့ခေါ်ယူမှုအပေါ် မေးခွန်းထုတ်ခဲ့တာဖြစ်ပြီး ဆာလက်က အခုလိုမျိုးပြန်လည်ပြောကြားခဲ့တာဖြစ်ပါတယ်။

လီဗာပူးဟာ ဒီယက်ဇ် နဲ့ နူနက်ဇ်တို့နေရာမှာ ဝီရက်ဇ် နဲ့ အီဆက်တို့ကို ပြန်လည်အစားထိုးခဲ့တာဖြစ်ပြီး ၂ ဦးစလုံးက ပရီးမီးယားလိဂ်ချန်ပီယံဆုရယူနိုင်ခဲ့ရာမှာ အဓိကနေရာကနေ ပါဝင်ခဲ့ကြတာဖြစ်ပါတယ်။ နူနက်ဇ်က ပြီးခဲ့တဲ့ရာသီမှာ ၅ ဂိုးသွင်းယူနိုင်ခဲ့ပြီး ဒီယက်ဇ်က ၁၃ ဂိုးသွင်း ၊ ၇ ဂိုးဖန်တီးနိုင်ခဲ့ပါတယ်။ “ပရီးမီးယားလိဂ်ချန်ပီယံဟောင်းတွေကို လေးစားမှုမရှိသလိုမလုပ်ပဲ ကောင်းမွန်တဲ့ခေါ်ယူမှုတွေကို အောင်ပွဲခံကြရင်မကောင်းဘူးလား”ဆိုပြီး ဆာလက်က ရေးသားခဲ့ပါတယ်။

လီဗာပူးဟာ နိုင်ငံတကာရက်သတ္တပတ်အပြီးမှာ ဘန်လေနဲ့ကစားရမှာဖြစ်ပြီး အီဆက်တစ်ယောက် ပွဲဦးထွက်ပါဝင်လာဖွယ်ရှိနေပါတယ်။