နော်တင်ဟမ်ဖောရက်စ် ဝ-၁ လီဗာပူး (ပွဲပြီးရလဒ်)

ဒါဝင်နူနက်ဇ် ၉၀+၉ မိနစ်

စီးတီးဂရောင်းမှာ ရုန်းကန်ရလေ့ရှိတဲ့ လီဗာပူးတို့ ဒီနေ့ပွဲစဉ်မှာလည်း အနိုင်ရလဒ်ရှာဖွေနိုင်ရေး အတော်လေးရုန်းကန်ခဲ့ရပါတယ်။ အထူးသဖြင့် သာမန်ပွဲကစားချိန်တလျှောက်လုံး ပြိုင်ဘက်ရဲ့ အထပ်ထပ်ပိတ်ဆို့ထားတဲ့ ခံစစ်ကို ထိုးဖောက်နိုင်ဖို့ အခက်တွေ့ခဲ့ပြီး အပိုင်ကန်သွင်းခွင့်တွေတောင် မရရှိခဲ့ပါဘူး။ တဖက်မှာလည်း အိမ်ရှင်နော်တင်ဟမ်ဖောရက်စ်က တန်ပြန်တိုက်စစ်တွေနဲ့ ပြိုင်ဘက်ကို အလုပ်များစေခဲ့ပြီး အဆုံးသတ်ပိုင်းအားနည်းမှုတွေကြောင့် ဦးဆောင်ဂိုးနဲ့ဝေးကွာနေခဲ့ရပါတယ်။ ဒါပေမယ့် ဒီနေ့ပွဲစဉ်မှာလည်း လီဗာပူးနည်းပြယာဂန်ကလော့ပ်ရဲ့လူစားလဲမှန်ကန်မှုတွေကို ထပ်မံမြင်တွေ့ခဲ့ရပြီး နာကျင်အချိန်ပိုနောက်ဆုံးမိနစ်မှာ မက်အယ်လစ္စတာရဲ့လှပတဲ့ဖန်တီးပေးမှုကို လူစားဝင်ကစားသမား ဒါဝင်နူနက်ဇ်က ခေါင်းတိုက်ကာ ဧည့်သည်တွေအတွက် အဖိုးတန်အနိုင်ဂိုးသွင်းယူပေးခဲ့ပါတယ်။ အခုအဝေးကွင်းနိုင်ပွဲနဲ့အတူ လီဗာပူးက အမှတ်ပေးချန်ပီယံပြေးလမ်းပေါ်ရှိ ပြိုင်ဘက်တွေထက် တစ်ပွဲပိုကစား၊ မန်စီးတီးကို လေးမှတ်၊ အာဆင်နယ်ကို ငါးမှတ်ဖြတ်ကာ အမှတ်ပေးဇယားဦးဆောင်သူအဖြစ် ပြတ်ပြတ်သားသားရပ်တည်နေပါတယ်။