ဆာလက်က နွေရာသီမှာ အသင်းမှ ထွက်ခွာမှာဖြစ်တယ်လို့ ပြောကြားလိုက်တဲ့ လီဗာပူးဂန္ထဝင်ကစားသမား
ဆာလက်ဟာ ပြီးခဲ့တဲ့ နွေရာသီက အယ်လ်အီတီဟတ်သို့ ပြောင်းရွှေ့ရန် အပြင်းအထန် ချိတ်ဆက်မှုများရှိနေပြီး ဩဂုတ်လ နောက်ဆုံးသတ်မှတ်ရက်မတိုင်မီ တစ်ရက်အလိုတွင် ပေါင်သန်း ၂၀၀ ဖြင့် ကမ်းလှမ်းမှုကို ပယ်ချခဲ့တာဖြစ်ပါတယ်။ ဒါကြောင့် အီဂျစ်သားဟာ လီဗာပူးအတွင် ဆက်လက်ရှိနေခဲ့ပြီး လက်ရှိတွင် ပရီးမီးယားလိဂ်သွင်းဂိုး ၁၄ ဂိုးဖြင့် ဒုတိယနေရာတွင် ရပ်တည်နေပါတယ်။
ဆာလက်ဟာ မကြာသေးမီရက်သတ္တပတ်များအတွင်း အာဖရိကနိုင်ငံများဖလားပြိုင်ပွဲမှာ တံကောက်ကြောဒဏ်ရာကြောင့် နားနေရသော်လည်း ယခုအခါ ကြံ့ခိုင်မှုပြည့်ဝရန် နီးစပ်နေပြီဖြစ်ပါတယ်။ အသက် ၃၁ နှစ်အရွယ် ကစားသမားဟာ ၂၀၂၂ ခုနှစ်နွေရာသီတွင် လီဗာပူးအသင်းနှင့် စာချုပ်သစ်ချုပ်ဆိုခဲ့ပြီး အန်ဖီးလ်တွင် ၂၀၂၅ ခုနှစ်အထိ ဆက်ရှိနေရန် သဘောတူညီမှုရရှိထားသော်လည်း နိုဝင်ဘာလအတွင်းက သတင်းများထွက်ပေါ်နေခဲ့တာဖြစ်ပါတယ်။
ကမ္ဘာ့ဘောလုံးလောကတွင် ဝင်ငွေအကောင်းဆုံးကစားသမားတစ်ဦးဖြစ်လာစေမယ့် ဆော်ဒီပရိုလိဂ်သို့ ပြောင်းရွှေ့ကြေးကြီးကြီးမားမားဖြင့် ပြောင်းရွှေ့ခြင်းက ငြင်းပယ်ဖို့ အလွန်ခက်ပါတယ်။ ၁၉၈၀ ခုနှစ်များအတွင်း လီဗာပူးနှင့်အတူ ပထမတန်း အမှတ်ပေးဖလား ၅ ကြိမ်နှင့် ဥရောပဖလားကို ဆွတ်ခူးခဲ့တဲ့ ဗဟိုခံစစ်မှုး လော်ရန်ဆင်က ဆာလက်ဟာ ဆော်ဒီအာရေးဗျရှိ သွားရောက်ကစားဖွယ်ရှိတဲ့ နေရာအတွက် အသင်းကနေထွက်ခွာဖို့ ပြီးခဲ့တဲ့နွေရာသီကတည်းက အမှန်တကယ် သဘောတူညီမှုရရှိခဲ့တယ်လို့ ထင်နေပါတယ်။
Paddy Power သို့ လော်ရန်ဆင်က "ဒီရာသီမှာ ဘာပဲဖြစ်ဖြစ် ဆာလက်က ဒီနွေရာသီမှာ အသင်းကနေထွက်ခွာဖို့က ၁၀၀ ရာခိုင်နှုန်း သေချာပါတယ်။ ပြီးခဲ့တဲ့ နွေရာသီက စာချုပ်တစ်ခု ရှိခဲ့တယ်လို့ ကျွန်တော်ထင်ပါတယ်" "သူက ဆော်ဒီအာရေးဗျလို တစ်နေရာရာမှာ ကစားမှာဖြစ်ပြီး လီဗာပူးဟာ ကြီးမားတဲ့ပြောင်းရွှေ့ကြေးရရှိပြီး ကစားသမား ၂ ဦးလောက်ကို ပြန်လည်ဝယ်ယူနိုင်မယ်လို့ မျှော်လင့်ပါတယ်။ ဆာလက်ဟာ ဆော်ဒီရဲ့ ဘုရင်ဖြစ်လာပါလိမ့်မယ်" "သူဟာ ပြီးခဲ့တဲ့နွေရာသီက ကလော့ပ်ရဲ့ ရုံးခန်းသို့ ဝင်စီးပြီး ကျွန်တော်အသင်းပြောင်းချင်တယ်လို့ သွားပြောခဲ့ပုံပေါ်ပေမယ့် အဲ့ဒီလိုမလုပ်နိုင်ခဲ့ပါဘူး" "သူတို့ထဲကနှစ်ယောက်လောက် ဒဏ်ရာမရရှိသရွေ့ သူတို့တွေက ပွဲထွက်ခွင့်အတွက် တိုက်ပွဲဝင်နေတယ်ဆိုတာ သိထားကြတဲ့ ကစားသမားတွေပါ" "ဂျိုတာ၊ နူနက်ဇ်နဲ့ ဒီယက်ဇ်တို့ဟာ တစ်ယောက်နဲ့တစ်ယောက် ကစားရတာကို သဘောကျကြပြီး ဘန်လေနဲ့ပွဲမှာ သူတို့အားလုံး ဂိုးတွေ သွင်းခဲ့တာကို တွေ့နိုင်ပါတယ်။ ဆာလက်ထွက်သွားတဲ့အခါ အဲ့ဒီနေရာတွေအတွက် လီဗာပူးက ကစားသမားဖြည့်တင်းနိုင်မယ်လို့ ထင်ပါတယ်" လို့ ပြောပါတယ်။
