အင်ဇိုမာရက်စ်ကာ စတန်းဖို့ဒ်ဘရစ်ချ်သို့ ထွက်ခွာသွားပြီးနောက် လက်စတာဟာ နည်းပြချုပ်အဖြစ် တာဝန်ယူရန်အတွက် ချဲလ်ဆီးနည်းပြဟောင်း ဂရေဟမ်ပေါ်တာထံ ဆက်သွယ်ခဲ့ပါတယ်။

ချဲလ်ဆီးရှိ ပိုချက်တီနိုရဲ့ နေရာကိုအစားဝင်ရန် မာရက်စ်ကာ ထွက်ခွာသွားကတည်းက လက်စတာနည်းပြရာထူးနှင့် ချိတ်ဆက်နေတာက ပေါ်တာပဲ ဖြစ်ပါတယ်။ ချန်ပီယံရှစ်ဆုရှင်တွေဟာ ပရီးမီးယားလိဂ်သို့ပြန်လည်ရောက်ရှိခဲ့ပြီးနောက် နည်းပြသစ်တစ်ဦးကို ရှာဖွေနေချိန်တွင် အင်္ဂလိပ်လူမျိုးနည်းပြနှင့် ဆွေးနွေးမှုများရှိကြောင်း ပြောကြားခဲ့ပါတယ်။

ဘရိုက်တန်နှင့် ဆွမ်ဆီးနည်းပြဟောင်း ပေါ်တာဟာ လက်စတာနည်းပြဖြစ်လာဖို့ ရေပန်စားနေသူတစ်ဦးဖြစ်ပြီး ပြီးခဲ့နှစ် ဧပြီလတွင် ချဲလ်ဆီးမှ ထုတ်ပယ်ခံခဲ့ရပြီးကတည်းက ပရီးမီးယားလိဂ်ကလပ်များနှင့် ချိတ်ဆက်မှုများ ပြုလုပ်ခဲ့ပါတယ်။ ဒါပေမယ့် လက်စတာက မာရက်စ်ကာရဲ့နေရာမှာ အစားထိုးဖို့ စဉ်းစားနေတာ ပေါ်တာတစ်ဦးတည်းတော့မဟုတ်ပါဘူး။

လက်စတာဟာ ယူနိုက်တက် နည်းပြဟောင်း ဆိုးလ်ရှားနဲ့လည်း ဆွေးနွေးမှုတွေ ပြုလုပ်နေပြီး ဒေါ့မွန်နည်းပြ အီဒင်တာဇစ်အတွက် ချဉ်းကပ်မှုပြလုပ်ထားသလို ဂျာမန်သားဟာ သူ့ရဲ့လက်ရှိကလပ်မှာ လုံး၀ မပျော်ရွှင်ကြောင်း သတင်းတွေ ထွက်ပေါ်နေပါတယ်။ လက်စတာကသာ သူ့ကို နည်းပြအဖြစ် ခေါ်ယူဖို့ ဦးစားပေးရွေးချယ်ခဲ့မယ်ဆိုရင်တော့ ပေါ်တာဟာ ပရီးမီးယားလိဂ်ကို ပြန်လည်ရောက်ရှိဖို့ အလားအလာရှိနေနိုင်ပါတယ်။