စာချုပ်သက်တမ်းတိုးရန် ကမ်းလှမ်းမှုကို လက်မခံဘဲ ရာသီကုန်တွင် ပြင်သစ်ကလပ်မှ ထွက်ခွာတော့မယ်လို့ တိုက်စစ်မှူးက အတည်ပြုပြောကြားလိုက်ကာ ဥရောပထိပ်တန်းကလပ်တွေကို သတိပေးလိုက်ပါတယ်။

ရီးရဲလ်မက်ဒရစ်ဟာ အသက် ၂၅ နှစ်အရွယ် ကစားသမားအတွက် အလားအလာရှိတဲ့ နေရာအဖြစ် သတ်မှတ်ထားပေမယ့် သတင်းတွေအရတော့ အာဆင်နယ်ဟာ ကလပ်ရဲ့ အကြီးကျယ်ဆုံးသူရဲကောင်း သီယာရီအွန်နရီရဲ့ ခြေရာကိုနင်းဖို့ ကမ်းလှမ်းချက်နှင့်အတူ အမ်ဘာပေအတွက် ဆွဲဆောင်ရှိနေတယ်လို့ သတင်းတွေ ထွက်ပေါ်နေပါတယ်။
အမ်ဘာပေရဲ့ လုပ်ခလစာတောင်းဆိုမှုများနှင့်ကိုက်ညီပါက ဂန်းနားတွေဟာ အဓိက ကစားသမားတွေကို သေချာပေါက် ရောင်းချရန် လိုအပ်နေပြီး လိုအပ်သောရန်ပုံငွေများကို ရရှိရန်အတွက် အကယ်ဒမီထွက် ဆာကာကိုရောင်းချကာ စွန့်စားသင့်တယ်လို့ ဘန့်က ပြောကြားခဲ့ပါတယ်။

"ကျွန်တော်က ဆာကာနဲ့ အိုဒီဂတ်ကို အတွဲမဟုတ်ဘဲ ဂျီးဆပ်နဲ့ အိုဒီဂတ် အတွဲ ဒါမှမဟုတ် ဂျီးဆပ် နဲ့ ဆာကာ အတွဲတို့ကို စွန့်လွှတ်လိုက်ချင်ပါတယ်" "ဆာကာဟာ အကယ်ဒမီထွက် တစ်ဦးဖြစ်တာကြောင့် ကျွန်တော့်အဖို့ ခံစားရစေသော်လည်း ကမ္ဘာပေါ်က အကောင်းဆုံးကစားသမားတစ်ဦးဖြစ်တယ်လို့ အငြင်းအခုံဖြစ်ပြီးပြောဖို့ သူ့အသက်က ငယ်နေပါတယ်" "အသင်းမှာ ဂိုးတွေသွင်းမယ့် အထောင်တိုက်စစ်မှူးတစ်ဦးရှိသလို ညာခြမ်းမှာလည်း ကစားနိုင်မှာပါ" လို့ ဘန့်က talkSPORT မှာ ပြောခဲ့ပါတယ်။

ဝက်စ်ဟမ်းကို ၆-၀ ဂိုးနဲ့အနိုင်ရခဲ့တဲ့ပွဲမှာ အာဆင်နယ်အတွက် ဂိုး ၅၀ ပြည့်မြောက်ခဲ့တဲ့ ဆာကာဟာ ဒီရာသီပရီးမီးယားလိဂ်မှာ ၁၀ ဂိုးသွင်းပြီး ၇ ဂိုးဖန်တီးထားပါတယ်။ အမ်ဘာပေကတော့ ၁၉ ပွဲမှာ ဂိုး ၂၀ သွင်းထားပြီး ဂိုးဖန်တီးမှု ၄ ကြိမ်ပြုလုပ်ထားပါတယ်။

ကမ္ဘာ့ဖလားဆုရှင်အတွက် အလားအလာရှိတဲ့ အပြောင်းအရွှေ့နဲ့ ပတ်သက်ပြီး မေးမြန်းရာမှာ အာဆင်နယ်နည်းပြ မိုက်ကယ် အာတီတာက ဂန်နာအနေနဲ့ ပြိုင်ဆိုင်ရလိမ့်မယ်လို့ မျှော်လင့်မိကြောင်း ပြောကြားခဲ့ပါတယ်။ "ဒီလို အရည်အချင်းရှိတဲ့ ကစားသမားတစ်ယောက်ရှိတဲ့အခါ ကျွန်တော်တို့ အမြဲတမ်း စကားပြောဆိုဖို့ လိုပါတယ်" "အကောင်းဆုံးအသင်းဖြစ်ချင်ရင် အကောင်းဆုံး အရည်အချင်းနဲ့ အကောင်းဆုံးကစားသမားတွေ လိုအပ်မှာ သေချာပါတယ်" လို့ ဘန်လေနဲ့ ကစားမယ့် ပရီးမီးယားလိဂ်ပွဲစဉ်မတိုင်မီ ပွဲအကြိုသတင်းစာရှင်းလင်းပွဲတွင် စပိန်သားက ပြောကြားခဲ့ပါတယ်။