ကွင်းလယ်ကစားသမားဟာ လိဒ်မှ မန်စီးတီးသို့ ပေါင် ၄၅ သန်းဖြင့် ပြောင်းရွှေ့လာပြီးနောက် ဆိုးရွားတဲ့ အခိုက်အတန့်ကို ကြံ့ကြံ့ခံခဲ့ရတာဖြစ်ပါတယ်။

အင်္ဂလန်အသင်းမှာပါ နေရာပျောက်ခဲ့ရတဲ့ ဖီးလစ်ဟာ ဧပြီလအစကတည်းက ဘောလုံးပွဲတွေမှာ ၁၅ မိနစ်သာ ကစားခဲ့ရတာဖြစ်ပါတယ်။ ဒါကြောင့် နည်းပြပက်ဂွါဒီယိုလာနှင့် နိုင်ငံတကာပွဲစဉ်များကစားနေတဲ့ အခြားကစားသမားတွေပြန်မရောက်မီ သီတင်းပတ်အနည်းငယ်အလိုတွင် မန်စီးတီးဘောလုံးအကယ်ဒမီသို့ ပြန်လည်ရောက်ရှိလိုကြောင်း သူက ပြောကြားခဲ့တာဖြစ်ပါတယ်။

အင်္ဂလန်ရဲ့ချန်လှပ်ခြင်းခံခဲ့ရတဲ့ ဂရီးလစ်ရှ်ကလည်း ပြီးခဲ့တဲ့ရက်သတ္တပတ်က အင်စတာဂရမ်တွင် သူရဲ့အနားယူချိန်ကို ပို့စ်တင်ခဲ့ပြီး ဖီးလစ်ကလည်း အလားတူလုပ်ဆောင်မှာဖြစ်ပါတယ်။ သူဟာ မန်စီးတီးရှိပထမဆုံး ၁၈ လအတွင်း အခြားပြိုင်ပွဲများတွင် ၄ ပွဲနှင့် ပရီးမီးယားလိဂ်ပွဲစဉ် ၂ ပွဲသာ စတင်ခဲ့ရတာဖြစ်ပါတယ်။

အသက် ၂၈ နှစ်အရွယ်ကစားသမားဟာ ယူရို ၂၀၂၄ တွင်ပါဝင်နိုင်ဖို့ မျှော်လင့်ချက် ဆက်လက်ရှင်သန်နေစေရန် အသည်းအသန်ကြိုးစားနေတာကြောင့် ဝက်စ်ဟမ်းသို့ အငှားပြောင်းရွှေ့ခဲ့တာဖြစ်ပါတယ်။ သို့သော်လည်း သူဟာ လိဂ်ပွဲ ၃ ပွဲသာ စတင်နိုင်ခဲ့ပြီး နော်တင်ဟမ်ဖောရက်စ်နဲ့ပွဲက အနီကတ်ဟာ သူ့အတွက် ဆိုးရွားစေတယ်ဆိုတာ ပြသခဲ့တာဖြစ်ပါတယ်။

မေလအစောပိုင်းတွင် ဒဏ်ရာကြောင့် ယာယီအစီအစဉ်ကို ခဏတာနားခဲ့ရပြီး မိခင်ကလပ်ထံ ဆေးကုသမှုခံယူရန် ပြန်လာခဲ့ပါတယ်။ ဂွါဒီယိုလာ တာဝန်ယူနေချိန်မှာ မန်စီးတီးတွင် နေရာရရှိဖို့မျှော်လင့်ချက်က နည်းပါးနေတာကြောင့် နောက်ထပ်အငှားထွက်ကစားရဖို့က အဖြစ်နိုင်ဆုံးပါ။

သို့သော် မန်စီးတီးဟာ ဇူလိုင် ၁၉ ရက်တွင် အမေရိကန်သို့သွားရောက်မယ့် ရာသီကြိုခရီးစဉ်ကို စတင်မှာဖြစ်ပြီး အဆိုပါရက်မတိုင်မီတွင် အခြားကလပ်တစ်ခုနှင့် သဘောတူညီမှုမရပါက ဖီးလစ်ဟာ အမေရိကန်သို့ လိုက်ပါနိုင်နေတာဖြစ်ပါတယ်။ ထို့အပြင် အင်္ဂလန်နည်းပြ ဆောက်ဂိတ်က နိုင်ငံအသင်းအတွက် ဖီးလစ်လုပ်ဆောင်ခဲ့သလိုမျိုး ဘယ်သူမှ မလုပ်နိုင်သေးပါဘူးလို့ ပြီးခဲ့တဲ့ရက်သတ္တပတ်က ပြောကြားခဲ့ပါတယ်။

ဖီးလစ်ဟာ အင်္ဂလန်လက်ရွေးစင်အသင်းအတွက် ၃၁ ပွဲပါဝင်ကစားထားပြီး နိုင်ငံလက်ရွေးစင်အသင်းအတွက် ပြန်လည်ကစားလိုပါက ပုံမှန်ပွဲထွက်ခွင့်ရရှိရန် လိုအပ်ကြောင်းသိရှိနေတာဖြစ်ပါတယ်။ ဂျာမနီမှာ ကစားမယ့်ပွဲစဉ်တွေမှာ အင်္ဂလန်ရဲ့ကွင်းလယ်မှာ ရိုက်စ်နှင့်အတူ အာနိုးလ်က ရှိနေတာဖြစ်ပါတယ်။

သို့သော်လည်း ချဲလ်ဆီးမှ ကော်နာဂါလာဂါက ဆလိုဗေးနီးယားနှင့် အုပ်စုနောက်ဆုံးပွဲအတွက် အဆိုပါနေရာကို ရယူသွားဖွယ်ရှိနေပါတယ်။