လာလီဂါဆုဖလားနှင့်ပတ်သက်ပြီး သတိပေးလိုက်တဲ့ အက်သလက်တီကိုမက်ဒရစ်စတား
အက်သလက်တီကိုဟာ ၂၀၂၅ ခုနှစ်အစတွင် လာလီဂါတွင် ထိပ်ဆုံးနေရာမှ ဆင်းသွားခဲ့ရပြီဖြစ်ပါတယ်။ အက်သလက်တီကိုမက်ဒရစ်ဟာ နှစ်သစ်ကူးတွင် ဇယားထိပ်မှာရှိခဲ့သော်လည်း ပြောင်းလဲသွားခဲ့ပြီဖြစ်ပါတယ်။
ရီးရဲလ်မက်ဒရစ်ဟာ အဝေးကွင်းတွင် ဗလင်စီယာကို ၂-၁ ဂိုးဖြင့် အနိုင်ရရှိခဲ့တာကြောင့် ပြိုင်ဘက်မြို့ခံများကို ၂ မှတ်ဖြတ်ကာ အဆင့်တက်သွားပြီဖြစ်ပါတယ်။
အက်သလက်တီကိုအသင်းဟာ လော့စ်ဘလက်ကိုစ်ကို အသာစီးရနိုင်ဖို့ တစ်ပွဲကျန်ရှိနေပေမယ့် လာမယ့်ရက်သတ္တပတ်တွေမှာတော့ စိန်ခေါ်မှုတစ်ခုရှိနေပါတယ်။
အာဂျင်တီးနားကြယ်ပွင့် ရိုဒရီဂို ဒီပေါလ်ဟာ ဒီဇင်ဘာလတွင် ၂ ဂိုးသွင်းခဲ့ပြီး ၂၀၂၄ ခုနှစ်ကုန်ပိုင်းမှာ အကောင်းဆုံးလုပ်နိုင်ခဲ့ပြီးနောက် ကလပ်ရဲ့ တစ်လတာအကောင်းဆုံး ကစားသမားအဖြစ် သတ်မှတ်ခံခဲ့ရပါတယ်။
မက်ဒရစ်က သူ့ရဲ့စတုတ္ထမြောက်ရာသီတွင် ဒီပေါလ်က ကလပ်တွင် အဓိကဆုဖလားများ မရရှိခဲ့ပေမဲ့ လာမယ့်လများအတွင်း ချန်ပီယံဆုကို ရရှိရန် တွန်းအားပေးနိုင်မယ်လို့ ယုံကြည်ထားပါတယ်။
"ဒီနှစ်ဟာ ကျွန်တော် အိပ်မက်မက်ခဲ့တဲ့ အက်သလက်တီကို မက်ဒရစ်မှာ နှစ်ရှည်လများ စောင့်မျှော်ခဲ့ရတဲ့ ဆုဖလားကို ရရှိနိုင်ဖို့ မျှော်လင့်ပါတယ်"
“ကျွန်တော်တို့မှာ လာလီဂါ၊ ကိုပါဒဲရေး နဲ့ ချန်ပီယံလိဂ်ဖလားတွေ အားလုံးရှိပါတယ်။ ကျွန်တော်တို့ရဲ့ပုံစံအတိုင်း ဆက်သွားချင်ပေမယ့် ခက်လိမ့်မှာဖြစ်ပြီး အသင်းကတော့ အဆင်သင့်ဖြစ်နေပါပြီ" လို့ ဒီပေါလ်က ပြောထားကြောင်း Mundo Deportivo မှ ဖော်ပြထားပါတယ်။
အက်သလက်တီကိုအသင်းဟာ စပိန်စူပါဖလားပြိုင်ပွဲမှာ ပါဝင်ခြင်းမရှိတော့သလို ဒီယေဂို ဆီမြွန်နီဟာ ကြံ့ခိုင်တဲ့အသင်းတစ်သင်းကို ရရှိဖို့ ပြင်ဆင်နေတာဖြစ်ပြီး ယနေ့မှာ ကိုပါဒယ်ရေးပြိုင်ပွဲအဖြစ် မာဘယ်လာကို သွားရောက်မှာ ဖြစ်ပါတယ်။
