ဘက်တစ်အသင်းမှာ ခြေစွမ်းပြသနိုင်ခဲ့ပြီးနောက် ယူနိုက်တက်အသင်းနည်းပြ အာမိုရင်က တောင်ပံကစားသမား အန်တိုနီရဲ့အနာဂတ်နဲ့ပတ်သက်ပြီး ဖွင့်ဟပြောကြားလာပါတယ်။ အန်တိုနီဟာ ဇန်နဝါရီတုန်းက ယူနိုက်တက်အသင်းမှာ ခြေစွမ်းမပြနိုင်ခဲ့တာကြောင့် ဘက်တစ်အသင်းထံ အငှားနဲ့ ပြောင်းရွှေ့ခဲ့ပါတယ်။

စပိန်မြေရောက်ပြီးကတည်းက ဘရာဇီးသားဟာ ပယ်လီဂရီနီလက်အောက်မှာ ခြေစွမ်းပြနေပြီး ၁၂ ပွဲမှာ ၈ ဂိုးအထိသွင်းယူထားနိုင်ခဲ့ပါတယ်။ အဆိုပါအခြေအနေတွေကြောင့် လာမယ့်ရာသီ အန်တိုနီတစ်ယောက် ယူနိုက်တက်ထံပြန်လာနိုင်ချေရှိနေတယ်လို့ သတင်းတွေထွက်နေပါတယ်။ အာမိုရင်က အဆိုပါသတင်းတွေနဲ့ပတ်သက်ပြီး အန်တိုနီနဲ့ ဘက်တစ်တို့ကြားမှာ အပြီးသတ်ဝယ်ယူခွင့်မပါဝင်ဘူးလို့ ပြောကြားခဲ့ပါတယ်။

“အန်တိုနီ ယူနိုက်တက်ထံပြန်လာဖို့လား?။ ကျွန်တော် အနာဂတ်အတွက် စီစဉ်နေပါတယ်။ ဒါပေမယ့် အခုလက်ရှိအချိန်မှာ ကျွန်တော် အနာဂတ်အကြောင်းမပြောချင်ပါဘူး။ကျွန်တော် ပွဲတွေအပေါ်မှာပဲ အာရုံစိုက်ထားပါတယ်”လို့ အာမိုရင်က သတင်းထောက်တွေကို ပြောကြားခဲ့ပါတယ်။

ဘက်တစ်အသင်းဟာ ဒီရာသီကွန်းဖရန့်လိဂ်ဆုဖလားအောင်မြင်မှုရယူနိုင်ဖို့ ပစ်မှတ်ထားနေပြီး အန်တိုနီက အဓိကနေရာကနေ ပါဝင်လာဖွယ်ရှိနေပါတယ်။လာမယ့်စနေနေ့မှာ ဘက်တစ်အသင်းဟာ ဘာစီလိုနာအသင်းနဲ့ရင်ဆိုင်ရမှာဖြစ်ပါတယ်။