ပြီးခဲ့တဲ့နွေရာသီက ဘရန့်ဖို့ဒ်က ဒေးဗစ်ရာယာကို အငှားဖြင့်ခေါ်ယူခဲ့ပြီး ပထမဦးစားပေးဂိုးသမားအဖြစ် ပွဲထွက်ခွင့်ပေးခဲ့ပြီးနောက် အသက် ၂၆ နှစ်အရွယ် ရမ်စ်ဒေးလ်ဟာ ပြိုင်ပွဲစုံမှာ ၁၀ ပွဲသာ ကစားခဲ့ရတာဖြစ်ပါတယ်။

အာဆင်နယ်ဟာ ဘရန့်ဖို့ဒ်ကနေ ရာယာကို ပေါင် ၂၇ သန်းနဲ့ အပြီးသတ်ခေါ်ယူဖို့ စီစဉ်နေပါတယ်။ တစ်ချိန်တည်းတွင် ရမ်စ်ဒေးလ်ဟာ နယူးကာဆယ်အသင်းထံမှ စိတ်ဝင်စားမှုကို ခံခဲ့ရသော်လည်း အာဆင်နယ်ရဲ့ ပေါင်သန်း ၃၀ ကို မပေးလိုနေတာဖြစ်ပါတယ်။

ရမ်စ်ဒေးလ်ဟာ တနင်္ဂနွေနေ့တွင် ဆားဘီးယားနှင့်ကစားမည့် ယူရို ၂၀၂၄ အဖွင့်ပွဲစဉ်အတွက် ပြင်ဆင်နေသော်လည်း အင်္ဂလန်တွင် ဆောက်ဂိတ်က ပထမဦးစားပေးဂိုးသမားအဖြစ် ပစ်ဖို့ဒ်ကိုသာ သတ်မှတ်ထားတာကြောင့် သူက အရန်ခုံတွင်သာ ရှိနေမှာဖြစ်ပါတယ်။ ဒါပေမယ့် အာဆင်နယ်ဂိုးသမားကို ဂါရတ်ဆောက်ဂိတ်က အင်္ဂလန်ရှိ သူ့ရဲ့အခန်းကဏ္ဍကို ရှင်းရှင်းလင်းလင်းရှင်းပြထားပြီး နိုင်ငံအသင်းနဲ့ပူးပေါင်းတဲ့အခါ သူ့ရဲ့စိတ်ဓာတ်အပြောင်းအလဲကို ချီးကျူးပြောဆိုခဲ့ပါတယ်။

"ဂျော်ဒန်က ပထမဦးစားပေးဖြစ်ပြီး ကျွန်တော်တို့အားလုံး သူ့ကို ဖြုတ်ချဖို့ လွန်ခဲ့တဲ့ ၅ နှစ်လောက်ကတည်းက အပြင်းအထန် ကြိုးစားခဲ့ပြီး သူက မယုံနိုင်လောက်အောင်ကို ကောင်းမွန်ခဲ့ပါတယ်" "တကယ်လို့ သူက ခေါင်းညိတ်ပြရင် သူ မယုံနိုင်လောက်အောင်ကို ကောင်းလာမယ်လို့ မျှော်လင့်ပါတယ် ဘာလို့လဲဆိုတော့ သူက ပြိုင်ပွဲကို အနိုင်ရခဲ့မယ်ဆိုရင် ကျွန်တော် တစ်မိနစ်မှမကစားရင်လည်း ဒါဟာ ငါ့ဘဝရဲ့ အပျော်ရွှင်ဆုံးနေ့ ဖြစ်ပါလိမ့်မယ်" "ဒါပေမယ့် ကျွန်တော်ပြောချင်တာက ကစားသမားအရေအတွက်က အမြဲတမ်းအရာရာကို မဆိုလိုပါဘူး။ ကျွန်တော်တို့အားလုံး တူညီတဲ့ပန်းတိုင်အတွက် တိုက်ပွဲဝင်နေကြတာပါ။ ကျွန်တော်တို့အားလုံး ကစားဖို့ စိတ်အားထက်သန်နေကြပါပြီ။ ဒါပေမယ့်လည်း ၂၆ ယောက်စလုံး အားထုတ်ရမယ်ဆိုတာကိုလည်း သိလာရပါတယ်"

"ကစားသမားအားလုံး ကစားချင်ကြပါတယ်။ ကျွန်တော် ကိုယ်တိုင်ကိုယ်လည်း မကစားခဲ့ရတာကြောင့် ခက်ခဲတဲ့နှစ်တစ်နှစ်ရှိခဲ့ပြီး အဲဒါကို ထပ်မလုပ်ချင်တော့ပါဘူး" "ဒါပေမယ့် မင်းလက်ရွေးစင်အသင်းကိုလာပြီး ကိုယ့်ရဲ့အခန်းကဏ္ဍကို ရှာတွေ့တဲ့အခါ ကိုယ့်ရဲ့အခန်းကဏ္ဍကိုသိတဲ့အခါ နည်းပြက စကားပြောကောင်းတဲ့အတွက် စိတ်ဓာတ်ကလည်း ပြောင်းလဲသွားပါတယ်။ သူက ကျွန်တော်ဟာနံပါတ် ၃လို့ပြော ၄ လို့ပြောပြော ၁ လို့ ပြောပြာ ဘာမဆိုလုပ်မှာပါပဲ။ ကျွန်တော် အသင်းအတွက် ဘာမဆိုလုပ်ပေးမှာပါ။ ကျွန်တော် လုပ်နိုင်လည်း ၄ နာရီကြာတဲ့အထိ လေ့ကျင့်ရေးကွင်းမှာ ရှိနေမှာပါ" "ပြိုင်ဆိုင်မှုက ကျွန်တော်တို့အတွက်လိုပါတယ် သူ့ဘာသာသူရွေးမယ့် ကစားသမား ၁၁ ယောက်ကို မလိုချင်ဘူး။ ကျွန်တော်တို့က နည်းပြအဖွဲ့ဝင်တွေကို ခေါင်းစားစေချင်ပါတယ်။ ပြိုင်ပွဲကို အနိုင်ရချင်တယ်ဆိုရင်ကစားသမား ၁၁ ယောက်ကိုပဲ အားကိုးလို့မရဘူး" လို့ ရမ်စ်ဒေးလ်က talkSPORT သို့ ပြောကြားခဲ့ပါတယ်။

အာဆင်နယ်ရဲ့ ပထမဦးစားပေး ဂိုးသမားအဖြစ် ရာယာထံလွဲလိုက်ရပြီးနောက် ဘယ်လိုခံစားရလဲလို့ မေးမြန်းရာမှာ သူက "ခက်ခဲပါတယ်၊ တော်တော်ခက်ခဲပါတယ်" လို့ဖြေပါတယ်။ "ဒါပေမယ့် ကျွန်တော် အခု လွတ်မြောက်ခွင့် ရနေပါပြီ။ ဒီကိုရောက်နေပြီး ရင်ဘတ်မှာ အကြီးကျယ်ဆုံး တံဆိပ်ကိုရနေပါပြီ။ ကျွန်တော်အရင်က ပြောခဲ့သလိုပဲ တစ်မိနစ်လောက် မကစားရင်တောင် အ‌ကောင်းဆုံးနေ့ဖြစ်နေမှာပါ" "လက်ရှိအချိန်မှာတော့ ကျွန်တော်ဟာ အင်္ဂလန်မှာ အပျော်ရွှင်ဆုံး ၂၆ ယောက်၊ ၂၇ ယောက်ထဲက တစ်ယောက် ဖြစ်ကောင်းဖြစ်နိုင်တယ်။ ကျွန်တော်တို့တင်မကဘဲ သန်းပေါင်းများစွာသောသူတွေကို အိမ်မှာတောင် အပျော်ရွှင်ဆုံးဖြစ်အောင် လုပ်ပေးနိုင်မယ်လို့ မျှော်လင့်ပါတယ်" လို့ ရမ်စ်ဒေးလ်က ပြောပါတယ်။