အင်တာမီလန်အသင်းအားကစားဒါရိုက်တာပီယာရိုအူဆီလီယိုက လီဗာပူးအသင်းမှာ နေရာပျောက်ဆုံးနေတဲ့ကာတစ်ဂျုံးစ်ကို ခေါ်ယူဖို့ စိတ်ဝင်စားနေတယ်လို့ အတည်ပြုခဲ့ပါတယ်။

အသက် ၂၅ နှစ်အရွယ်ကစားသမားက နွေရာသီအပြောင်းအရွှေ့ကာလအတွင်း အပြောင်းအလဲတွေ ထပ်မံပြုလုပ်ဖို့ပြင်ဆင်နေတဲ့ အီရာအိုလာရဲ့အသင်းအတွက် ဘတ်ဂျက်ရရှိနိုင်ရေးရည်မှန်းချက်အလို့ငှာ လီဗာပူးအသင်းမှ ထွက်ခွာရဖွယ် ရှိပါတယ်။

ကာတစ်ဂျုံးစ်က ၂၀၂၅-၂၀၂၆ ဘောလုံးရာသီကို အရန်ကစားသမားတစ်ဦးအဖြစ်သာ ဖြတ်သန်းခဲ့ရပြီး ပရီးမီးယားလိဂ် ၃၄ ပွဲမှာ ၁၈ ပွဲသာ ပွဲထွက်ခွင့်ရရှိခဲ့ကာ တစ်ဂိုးသွင်း၊ ဂိုးဖန်တီးမှုနှစ်ကြိမ် ပြုလုပ်ခဲ့ပါတယ်။

တဖက်မှာလည်း အင်တာမီလန်အသင်းက ကာတစ်ဂျုံးစ်ကို ခေါ်ယူဖို့ ကမ်းလှမ်းသွားနိုင်တယ်ဆိုတဲ့ သတင်းတွေလည်း ထွက်ပေါ်နေပါတယ်။

လတ်တလောမှာ အင်တာမီလန်အားကစားဒါရိုက်တာအူဆီလီယိုက ဒီအင်္ဂလန်လက်ရွေးစင် ကစားသမားကို စီးရီးအေဆီ ခေါ်ယူဖို့ စိတ်ဝင်စားနေတယ်လို့ အတည်ပြုခဲ့ပါတယ်။

"ကာတစ်ဂျုံးစ်ကို ကျွန်တော်တို့ စောင့်ကြည့်နေပါတယ်။ ဒါကို ကျွန်တော်တို့ မဖုံးကွယ်ထားပါဘူး။ ရှေ့လျှောက် ဘယ်လိုတိုးတက်မှုမျိုးတွေ ရှိလာမလဲဆိုတာကိုလည်း ကျွန်တော်တို့ နားလည်ထားပါတယ်" လို့ အူဆီလီယိုက သတင်းထောက်တွေဆီ ပြောကြားခဲ့ပါတယ်။