စနေနေ့က ဘရန့်ဖို့ဒ်အသင်းနဲ့ ဂိုးမရှိသရေကျခဲ့တဲ့ ရလဒ်အပေါ် စိတ်ကျေနပ်မှုရှိနိုင်တယ်လို့ လိဒ်စ်ယူနိုက်တက်ဂိုးသမား ကားလ်ဒါလိုက ပြောကြားခဲ့ပါတယ်။ ဒီရလဒ်ကြောင့် လိဒ်စ်အသင်းဟာ ပရီးမီးယားလိဂ် အမှတ်ပေးဇယားရဲ့ အဆင့် (၁၅) နေရာမှာ ရှိနေပြီး တန်းဆင်းဇုန်နဲ့ ၄ မှတ်အကွာကို ရောက်ရှိလာခဲ့တာပါ။

"ပြီးခဲ့တဲ့ အပတ်တွေတုန်းက ကျွန်တော်တို့အသင်းဟာ အသင်းလိုက် ခုခံကစားပုံ တကယ်ကို ကောင်းမွန်ခဲ့ပါတယ်။ ဒါဟာ တိုက်စစ်ပိုင်းကနေစပြီး အားလုံးရဲ့ စုပေါင်းအားထုတ်မှုပါပဲ" လို့ ဒါးလိုးက ဆိုပါတယ်။ "ပွဲကို အနိုင်မရခဲ့တဲ့အတွက် အနည်းငယ်တော့ စိတ်ပျက်မိတာ အမှန်ပါပဲ။ ကျွန်တော်တို့ကပဲ ပွဲကို ပိုပြီးထိန်းချုပ်ထားနိုင်ခဲ့သလို အနိုင်ရဖို့အတွက်လည်း ဖိအားပေးကစားနိုင်ခဲ့တာပါ။ ကျွန်တော်တို့ ဂိုးဧရိယာထဲကို ဘောလုံးတွေ အများကြီး ရောက်လာခဲ့ပေမဲ့ အကောင်းဆုံး ခုခံနိုင်ခဲ့ပါတယ်။ အခွင့်အရေးတွေ ရလာမယ်ဆိုတာလည်း ကျွန်တော်တို့ သိထားပြီးသားမို့ တတ်နိုင်သမျှ အကောင်းဆုံး ပုံစံနဲ့ ကစားခဲ့ပါတယ်" လို့ ၎င်းက ပြောပြခဲ့ပါတယ်။

ဒါ့အပြင် ဒါလိုက "ဒါဟာ တန်းတင်ကျန်ရစ်ဖို့အတွက် နောက်ထပ် အဖိုးတန်ရမှတ်တစ်မှတ်ပါပဲ။ ကစားဖို့ ပွဲစဉ်တွေ ကျန်ပါသေးတယ်။ ကျွန်တော်တို့ နောက်ထပ် အမှတ်တွေလိုအပ်နေတယ်ဆိုတာ သိပေမဲ့ ဒါကို လုပ်ဆောင်နိုင်မယ်လို့ အပြည့်အဝ ယုံကြည်မှုရှိပါတယ်။ အခုရလဒ်ဟာ မှန်ကန်တဲ့ လမ်းကြောင်းပေါ်ကို နောက်ထပ် ခြေလှမ်းတစ်လှမ်း လှမ်းနိုင်ခဲ့တာပါပဲ" လို့လည်း ဆက်လက် ပြောကြားခဲ့ပါတယ်။