မန်စီးတီးနောက်ခံလူ နသန်အကီကို လာမယ့်နွေရာသီမှာ ခေါ်ယူဖို့ အေစီမီလန် စီစဉ်နေ
အေစီမီလန်အသင်းဟာ လာမယ့်နွေရာသီ အပြောင်းအရွှေ့ကာလမှာ မန်စီးတီးနောက်ခံလူ နသန်အကီကို ခေါ်ယူဖို့ ပစ်မှတ်ထားနေတယ်လို့ သတင်းတွေ ထွက်ပေါ်နေပါတယ်။
အသက် ၃၁ နှစ်အရွယ်ရှိပြီဖြစ်တဲ့ အကီဟာ ဒီရာသီမှာ နည်းပြ ပက်ဂွါဒီယိုလာရဲ့ အသင်းအတွက် ပွဲကစားခွင့် သိပ်မရရှိဘဲ ပရီမီယာလိဂ် ၁၄ ပွဲမှာ ၄ ပွဲသာ ပွဲထွက်ကစားခွင့် ရရှိထားပါတယ်။
သူနဲ့ မန်စီးတီးတို့ရဲ့ စာချုပ်သက်တမ်းဟာ ၂၀၂၇ ခုနှစ် ဇွန်လမှာမှ ကုန်ဆုံးမှာဖြစ်ပေမဲ့ ဒီနွေရာသီမှာပဲ သူဟာ မန်စီးတီးကနေ ထွက်ခွာဖို့ အခွင့်အလမ်း ပိုများနေတာပါ။
သတင်းထောက် Daniele Longo ရဲ့ အဆိုအရ အေစီမီလန်ဟာ ၂၀၂၅ ခုနှစ်တုန်းကလည်း အကီကို ခေါ်ယူဖို့ ကြိုးစားခဲ့ဖူးပြီး အခုအခါမှာတော့ သူ့ကို ပြန်လည် စိတ်ဝင်စားလာတာ ဖြစ်ပါတယ်။
အဲဒီအချိန်တုန်းကတော့ အေစီမီလန်မှာ သူ့ကိုခေါ်ယူဖို့ ဘတ်ဂျက် အလုံအလောက် မရှိခဲ့ပေမဲ့ အခုအခါမှာတော့ အခြေအနေတွေက ပြောင်းလဲသွားပြီလို့ သိရပါတယ်။
