လီဗာပူး ၄-၁ အစ်ဆွစ် (ပွဲပြီးရလဒ်)

ပွဲချိန်တလျှောက်လုံး အိမ်ရှင်လီဗာပူးအသင်းက ဧည့်သည်အစ်ဆွစ်ကို ဦးဆောင်ကစားခဲ့ပြီး သွင်းဂိုးတွေပါ ရယူနိုင်ခဲ့ပါတယ်။ ဆိုဘိုဆလိုင်း၊ မိုဆာလက်၊ ဂတ်ပို(၂ ဂိုး)တို့ရဲ့ သွင်းဂိုးတွေနဲ့အတူ ဂိုးပြတ်ရလဒ်ထွက်ပေါ်လာချိန်မှာတော့ လီဗာပူးနည်းပြအန်းစလော့က အဓိကကစားသမားအချို့ကို အနားပေးကာ အရန်ကစားသမားတွေကို ထည့်သွင်းအသုံးပြုခဲ့ပါတယ်။ ပွဲချိန်နှောင်းပိုင်းမှာတော့ ထောင့်ကန်ဘောမှတဆင့် ဂရေ့စ်က ဧည့်သည်တွေအတွက် တစ်လုံးတည်းသောချေပဂိုးကို ခေါင်းတိုက်သွင်းယူခဲ့ပါတယ်။ အခုပွဲစဉ်ရလဒ်ပိုင်းနဲ့အတူ အမှတ်ပေးဇယားဦးဆောင်သူလီဗာပူးအသင်းက အနီးဆုံးပြိုင်ဘက်အာဆင်နယ်ကို တစ်ပွဲလျော့၊ ခြောက်မှတ်ဖြတ်ထားနိုင်ဆဲ ဖြစ်ပါတယ်။