လီဗာပူး ၂-၂ မန်ချက်စတာယူနိုက်တက် (ပွဲပြီးရလဒ်)

ပထမပိုင်းပွဲချိန်အတွင်း သွင်းဂိုးတွေ မမြင်တွေ့ခဲ့ရပေမယ့် ဒုတိယပိုင်းပွဲချိန်တွေမှာတော့ အပြန်အလှန်ဂိုးတွေသွင်းယူကာ စိတ်လှုပ်ရှားစရာ အင်္ဂလန်ဒါဘီပွဲစဉ်ကို မြင်တွေ့ခဲ့ရပါတယ်။ အခုပွဲစဉ်အတွက် အဖွင့်ဂိုးကို ယူနိုက်တက်တို့ ရရှိခဲ့ပြီး လီဆန်ဒရိုမာတီနက်ဇ်က သွင်းယူပေးခဲ့ပါတယ်။ သိပ်မကြာခင်မှာပဲ လီဗာပူးအသင်းအတွက် ဂတ်ပိုက ချေပဂိုး၊ ပယ်နယ်တီမှတဆင့် မိုဆာလက်က ဦးဆောင်ဂိုးသွင်းယူခဲ့ပါတယ်။ ယူနိုက်တက်အတွက် ချေပဂိုးကိုတော့ အာမက်ဒီယာလိုက ရယူပေးခဲ့တာပါ။ အခုပွဲစဉ်ရလဒ်ပိုင်းနဲ့အတူ လီဗာပူးအသင်းက အနီးဆုံးပြိုင်ဘက်အာဆင်နယ်ထက် တစ်ပွဲလျော့၊ ခြောက်မှတ်အသာဖြင့် အမှတ်ပေးဇယားကို ဆက်လက်ဦးဆောင်နေပါတယ်။