တော့တင်ဟမ် ၃-၆ လီဗာပူး (ပွဲပြီးရလဒ်)

ပရီးမီးယားလိဂ်ရဲ့တိုက်စစ်အားသန်ကလပ်အသင်းနှစ်ခု ထိပ်တိုက်တွေ့ဆုံမှုပီပီ သွင်းဂိုးတွေလည်း မကြာခဏဆိုသလို မြင်တွေ့ခဲ့ရပါတယ်။ အခုပွဲစဉ်မှာ ဧည့်သည်လီဗာပူးက ပွဲချိန်တလျှောက်လုံး နိုင်ပွဲနဲ့ထိုက်တန်တဲ့ခြေစွမ်းမျိုးပြသပြီး အဝေးကွင်းအဖိုးတန်သုံးမှတ်ကို အရယူနိုင်ခဲ့ပါတယ်။ လီဗာပူးအတွက်  ဒီယက်ဇ်(၂ ဂိုး)၊ မိုဆာလက်(၂ ဂိုး)၊ မက်အယ်လစ္စတာနဲ့ ဆိုဘိုဆလိုင်းတို့က သွင်းဂိုးတွေရယူပေးခဲ့ပါတယ်။ တော့တင်ဟမ်အတွက် ချေပဂိုးတွေကိုတော့ မက်ဒီဆင်၊ ကူလူဆက်ဗ်စကီးနဲ့ ဆိုလန်ကီတို့က သွင်းယူပေးခဲ့ပါတယ်။ အခုပွဲစဉ်ရလဒ်ပိုင်းနဲ့အတူ အန်းစလော့ရဲ့အသင်းက အနီးဆုံးပြိုင်ဘက်ချဲလ်ဆီးကို တစ်ပွဲလျော့၊ လေးမှတ်ဖြတ်ကာ အမှတ်ပေးဇယားထိပ်ဆုံးနေရာမှာ ပြတ်ပြတ်သားသားရပ်တည်နိုင်ခဲ့ပါတယ်။