ဘိုင်ယန်မြူးနစ်ရဲ့ လာဇီယိုအား အနိုင်ရရှိကာ ချန်ပီယံလိဂ်ကွာတားဖိုင်နယ်သို့ တက်ရောက်နိုင်ခဲ့ပြီးနောက် မူလာက ဟယ်ရီကိန်းကို ချီးကျူးစကားပြောကြားလိုက်ပါတယ်။

ဒုတိယအကျော့ အိမ်ကွင်းတွင် လာဇီယိုကို ၃-၀ ဂိုးဖြင့် အနိုင်ရရှိခဲ့တာကြောင့် ဘိုင်ယန်မြူးနစ်ဟာ ချန်ပီယံလိဂ်ရဲ့ ကွာတားဖိုင်နယ်သို့တက်ရောက်သွားပြီး အဆိုပါပွဲမှာ ကိန်းနှင့် မူလာတို့က ဂိုးတွေကို သွင်းယူခဲ့ပါတယ်။ ပွဲအပြီးမှာ မူလာက အသင်းဖော်ကိန်းအား အရေးပါတဲ့ပွဲမှာ ဂိုးတွေ သွင်းယူခဲ့တဲ့အတွက် ချီးကျူးစကား ပြောကြားလိုက်ပါတယ်။

အင်စတာဂရမ်တွင် ဘိုင်ယန်မြူးနစ်ရဲ့ ဝါရင့်တိုက်စစ်မှူးကြီးက အင်္ဂလန်သားရဲ့ပုံကို ပို့စ်တင်ပြီး ကိန်းကိုရပ်တန့်လို့ မရနိုင်ဘူးလို့ ရေးသားခဲ့ပါတယ်။ ပြီးခဲ့တဲ့နွေရာသီ တော့တင်ဟမ်ကနေ ဘိုင်ယန်မြူးနစ်သို့ ယူရိုသန်း ၁၀၀ (ပေါင် ၈၆ သန်း၊ ဒေါ်လာ သန်း ၁၁၀) ဖြင့် ပြောင်းရွှေ့လာတဲ့အချိန်မှာ ကိန်းနှင့် မူလာတို့က အရမ်းခင်တဲ့ သူငယ်ချင်းတွေဖြစ်ခဲ့ကြပါတယ်။

ဂျာမန်စတားက သူ့ကို မြို့အသစ်မှာ အိမ်ကဲ့သို့ ခံစားမှုမျိုးရရှိအောင် မြူးနစ်မှာ အသားကျအောင် ကူညီပေးခဲ့တဲ့အတွက် ကျေးဇူးတင်ကြောင်း အင်္ဂလန်လက်ရွေးစင်က အရင်ကတည်းက ပြောကြားထားဖူးတာပါ။ ဘွန်ဒက်စ်လီဂါ အမှတ်ပေးဇယားတွင် လေဗာကူဆင်နှင့် ၁၀ မှတ်ကွာနေတဲ့ တူချယ်ရဲ့အသင်းဟာ စနေနေ့မှာ အရေးပါတဲ့ လိဂ်ပွဲစဉ်အဖြစ် မိန့်ဇ်နှင့် ကစားရမှာဖြစ်ပါတယ်။