နည်းပြ လူးဝစ် ဒီ လာ ဖွန်တေးက ရာသီသစ်အတွက် စပိန်အသင်းလူစာရင်းကို ထုတ်ပြန်ကြေညာလိုက်ပြီး အဓိကကစားသမားနှစ်ဦးလည်း လက်ရွေးစင်အသင်းကို ပြန်လည်ပါဝင်လာပါတယ်။ စပိန်အသင်းဟာ ၂၀၂၆ ကမ္ဘာ့ဖလားကို သွားရောက်ဖို့အတွက် အုပ်စု (E) က ခြေစစ်ပွဲစဥ်တွေကို စတင်ကစားရမှာဖြစ်ပြီး စက်တင်ဘာလ (၄) ရက်နေ့မှာ ဘူလ်ဂေးရီးယားအသင်းနဲ့ ဆိုဖီယာမြို့မှာ ကစားရမှာဖြစ်သလို၊ အဲဒီနောက်မှာတော့ တူရကီအသင်းနဲ့ အစ္စတန်ဘူလ်မြို့မှာ ကစားရဦးမှာ ဖြစ်ပါတယ်။

အဓိက ပြန်လည်ပါဝင်လာတဲ့ ကစားသမားတွေကတော့ ဝါရင့်ကစားသမားတွေဖြစ်တဲ့ ဒန်နီ ကာဗာဟယ်လ်နဲ့ ရိုဒရီ ဟာနန်ဒက်ဇ်တို့ ဖြစ်ပြီး၊ နှစ်ဦးစလုံးဟာ ဒူးအရွတ်ပြတ်ဒဏ်ရာကြောင့် ပြီးခဲ့တဲ့ရာသီရဲ့ အများစုကို လွဲချော်ခဲ့ရပါတယ်။ ရီးရဲလ်မက်ဒရစ် ကစားသမား ကာဗာဟယ်လ်ဟာ လက်ရွေးစင်အသင်းကို ပြန်လာနိုင်ခဲ့ပြီး ပြီးခဲ့တဲ့အပတ်က ရီးရဲလ် အိုဗီဒိုနဲ့ ပွဲစဥ်မှာ ပထမဆုံးအကြိမ် ပြန်လည်ပါဝင်ကစားနိုင်ခဲ့ပါတယ်။ ရိုဒရီကလည်း ပြီးခဲ့တဲ့ ဇွန်လတုန်းက အသင်းမှာ ပါဝင်နိုင်ခဲ့ပေမဲ့၊ အခုနောက်ပိုင်းမှာ ကြွက်သားဒဏ်ရာပြဿနာကနေ ပြန်လာနိုင်ခဲ့တာ ဖြစ်ပါတယ်။ ဒီနွေရာသီမှာ စပိန်နိုင်ငံအတွင်းရှိ တောမီးလောင်ကျွမ်းမှုတွေအတွက် မီးသတ်သမားတွေနဲ့ သားကောင်တွေအတွက် ပံ့ပိုးကူညီမှုတွေ ပြသလိုက်တာကြောင့် အဆိုပါ လူစာရင်းထုတ်ပြန်ကြေညာမှုလည်း ပြုလုပ်ခဲ့တာ ဖြစ်ပါတယ်။

အဓိက လွဲချော်ခဲ့တဲ့ ကစားသမားတွေထဲက တစ်ဦးကတော့ ဂိုးသမား ဂျိုအန် ဂါစီယာ ဖြစ်ပါတယ်။ သူဟာ ပြီးခဲ့တဲ့ရာသီတုန်းက လက်စွမ်းပြသခဲ့ပေမဲ့လည်း အဲလက်စ် ရီမီရို၊ ဒေးဗစ် ရာယာ ဒါမှမဟုတ် အူနိုင်း ဆိုင်းမွန်တို့ကိုတော့ ကျော်တက်နိုင်ခြင်း မရှိခဲ့ပါဘူး။ ဒီကစားသမား သုံးဦးစလုံးဟာ နည်းပြ ဒီ လာ ဖွန်တေးအတွက် ပုံမှန်ရွေးချယ်ခံရတဲ့ ကစားသမားတွေဖြစ်နေတာကို တွေ့ရပါတယ်။ ဒါ့အပြင် ဘယ်နောက်ခံလူ အလက်ဟန်ဒရို ဘယ်လ်ဒီလည်း အသင်းနဲ့ ထပ်မံလွဲချော်ခဲ့ပြီး၊ မာ့ခ် ကူကူရယ်လာနဲ့ အလက်ဟန်ဒရို ဂရီမဲလ်ဒိုတို့ကတော့ နည်းပြရဲ့ ပိုမိုနှစ်သက်တဲ့ ကစားသမားအတွဲဖြစ်နေပါတယ်။

ဒီလိုဆိုပေမဲ့လည်း ဘာစီလိုနာက ကစားသမား (၇) ဦးကိုတော့ ခေါ်ယူခဲ့ပြီး၊ အဲဒီထဲမှာ ဂါဗီနဲ့ ဖာမင် လိုပက်ဇ်တို့လည်း ပါဝင်ခဲ့ပါတယ်။ အသင်းလူစာရင်းမှာ မျက်နှာသစ်တစ်ဦးတည်းသာ ပါဝင်ခဲ့ပါတယ်။ သူကတော့ အရင်က ရီးရဲလ် ဘက်တစ်အသင်းမှာ ကစားခဲ့ပြီး အခု ကိုမိုအသင်းကို ရောက်ရှိနေတဲ့ တောင်ပံကစားသမားတစ်ဦး ဖြစ်ပါတယ်။ ဒီအသက် (၁၉) နှစ်အရွယ် ကစားသမားဟာ ပြီးခဲ့တဲ့နွေရာသီတုန်းက ယူ-၂၁ အသင်းမှာ အဝင်အထွက် ပုံစံမျိုး ဖြစ်နေခဲ့ပေမဲ့ နည်းပြ ဒီ လာ ဖွန်တေးကတော့ သူရဲ့အရှိန်အဟုန်ကို အသင်းကြီးမှာ အစမ်းသပ်ချင်နေတာ ရှင်းပါတယ်၊ ဝါရင့် ကစားသမားတွေဖြစ်တဲ့ မီကယ် အိုယာဇာဘယ်လ်နဲ့ အယ်လ်ဗာရို မိုရာတာတို့လည်း အသင်းမှာ ဆက်လက်ပါဝင်နေခဲ့ပြီး၊ ယယ်ရီမီ ပီနိုကလည်း ပရီးမီးယားလိဂ်ကို အပြောင်းအရွှေ့လုပ်ဖို့အတွက် ဆောင်ရွက်နေတာကြောင့် လူစာရင်းမှာ ပါလာခဲ့တာ ဖြစ်ပါတယ်။

အစ္စကိုနဲ့ အဲလက်စ် ဘေနာတို့ကတော့ ဒဏ်ရာကြောင့် လွဲချော်ခဲ့ပြီး၊ ပေါ်တိုအသင်းက ရှေ့တန်းကစားသမား ဆာမူ အက်ဂ်ဟီဟိုဝါကတော့ ဖာရန် တောရက်စ် ပါလာတာကြောင့် လူစာရင်းကနေ ချန်လှပ်ခံခဲ့ရပါတယ်။

ဂိုးသမား - အူနိုင်း ဆိုင်းမွန်၊ ဒေးဗစ် ရာရာ၊ အဲလက်စ် ရီမီရို

နောက်တန်း - ဒန်နီ ကာဗာဟယ်လ်၊ ပေဒရို ပိုရို၊ အလက်ဟန်ဒရို ဂရီမဲလ်ဒို၊ မာ့ခ် ကူကူရယ်လာ၊ ရော်ဘင် လီ နော်မန်း၊ ပေါလ် ကူဘာစီ၊ ဒင်း ဟွိုင်းဆန်နှင့် ဒန်နီ ဗီဗီယန်

ကွင်းလယ် - ရိုဒရီ ဟာနန်ဒက်ဇ်၊ မာတင် ဇူဘီမန်ဒီ၊ ဖာဘီယန် ရွေ့ဇ်၊ မီကယ် မယ်ရီနို၊ ပက်ဒရီ၊ ဖာမင် လိုပက်ဇ်၊ ဂါဗီ

ရှေ့တန်း - အယ်လ်ဗာရို မိုရာတာ၊ လာမင် ယမယ်၊ နီကို ဝီလီယံ၊ ယယ်ရီမီ ပီနို၊ မီကယ် အိုယာဇာဘယ်လ်၊ ဒန်နီ အိုလ်မို၊ ဂျေးဆပ် ရိုဒရီဂက်ဇ်နှင့် ဖာရန် တောရက်စ်