စပိန်အသင်းနည်းပြ ဒီလာဖွန်တီကတော့ ဘာစီလိုနာစတား ယာမဲလ်ရဲ့သွင်းဂိုးအောင်ပွဲခံမှု ၊ မွေးနေ့ကိစ္စတွေနဲ့ပတ်သက်ပြီး ကာကွယ်ပြောကြားလိုက်ပါတယ်။ ဒီလာဖွန်တီက ယာမဲလ်ဘက်ကနေ ကာကွယ်ပြောကြားခဲ့ပြီး ဘာစီလိုနာစတားက ပေါ့ပျက်ပျက်နိုင်တယ်တယ်လို့ ဝေဖန်ခံနေရတာဖြစ်ပါတယ်။အသက် ၁၈ နှစ်သားဟာ မကြာသေးခင်တုန်းက သူ့ရဲ့ဂိုးသွင်းအပြီးအောင်ပွဲခံပုံနဲ့ပတ်သက်ပြီး ဝေဖန်ခံနေရသလို မွေးနေ့ပါတီနဲ့ပတ်သက်ပြီးလည်း ဝေဖန်ခံနေရပါတယ်။

ယာမဲလ်တစ်ယောက် လူမှုမီဒီယာပေါ်မှာ ဝေဖန်မှုတွေဆက်တိုက်ခံနေရပြီး ခြေစမ်းပွဲအဖြစ် ဆိုးလ် FC အသင်းနဲ့ကစားချိန်မှာလည်း အောင်ပွဲခံပုံကြောင့် ဝေဖန်ခံခဲ့ရပါတယ်။ ကွင်းပြင်ပမှာလည်း ယာမဲလ်ဟာ မွေးနေ့ပါတီကျင်းပမှုနဲ့ပတ်သက်ပြီး ဝေဖန်ခံနေရတာဖြစ်ပါတယ်။ လူစာရင်းမကြေညာခင် ဒီလာဖွန်တီက မီဒီယာထံပြောကြားရာမှာ “ကျွန်တော် သဘောမတူပါဘူး။ အောင်ပွဲခံမှုက ပြဿနာမရှိဘူးလို့ ထင်ပါတယ်။ အဲ့တာက အံ့ဖွယ်ပါ။ သူနောက်ထပ်အံ့ဖွယ်တစ်ကြိမ်လုပ်ပြနိုင်ခဲ့ပါတယ်။ လူတိုင်းက သူတို့လိုချင်သလို ကြားဖြတ်နိုင်ပါတယ်။ ကျွန်တော်တို့ အခြားအရာတွေကို တန်ဖိုးထားရပါတယ်။ အခုလိုပေါ့ပျက်ပျက်အရာတွေကို အထင်းသားပြရမှာမဟုတ်ပါဘူး။

အသက် ၁၆ နှစ်မှာတင် သူကလုပ်ပြထားနိုင်သလို သူ့ကိုယ်သူဂရုစိုက်နိုင်ပါတယ်။ သူလေ့ကျင့်ခန်းအများကြီးဆင်းထားသလို အရာအားလုံးအောင်မြင်အောင်လည်းလုပ်ပြထားနိုင်ပါတယ်။ ကျွန်တော်တို့ အဲ့လိုလုပ်ပြထားနိုင်တာကို တန်ဖိုးထားရပါတယ်။ သူနဲ့အတူတူ အယ်လ်ကာရက်ဇ်အကြောင်းပြောရမှာဖြစ်သလို သူအိုင်ဘစ်ဇာကိုသွားခဲ့ပါတယ်။ သူတစ်နေ့လုံးအလုပ်လုပ်ခဲ့ပြီး အားလုံးပြီးဆုံးမှ အိုင်ဘစ်ဇာကိုသွားခဲ့ပါတယ်။ ဒါပေမယ့် ဒီလိုအရာတွေနဲ့ နိုင်ပွဲတွေမရနိုင်ပါဘူး”လို့ ဖြေကြားခဲ့ပါတယ်။

ယာမဲလ်ဟာ လာမယ့်သောကြာနေ့ စပိန်အသင်းနဲ့အတူ ဘူလ်ဂေးရီးယား ၊ တူရကီတို့နဲ့ကန်မယ့်ပွဲတွေမှာ ပါဝင်လာဖွယ်ရှိနေပါတယ်။ ဘာစီလိုနာဟာ ယာမဲလ်တစ်ယောက်ဒဏ်ရာကင်းစင်နိုင်ဖို့ မျှော်လင့်နေပြီး နိုင်ငံတကာရက်သတ္တပတ်မတိုင်ခင် ဗယ်လက်ကာနို ၊ ဗလန်စီယာတို့နဲ့ကစားရမှာဖြစ်ပါတယ်။