စတုဂတ်မြို့မှာ သရေတစ်မှတ်စီခွဲဝေယူခဲ့တဲ့ ဆလိုဗေးနီးယားနဲ့ ဒိန်းမတ်
ဆလိုဗေးနီးယား ၁-၁ ဒိန်းမတ် (ပွဲပြီးရလဒ်)
ပွဲချိန်တလျှောက်လုံး ခြေစွမ်းအသာစီးနဲ့ကစားနိုင်ပေမယ့် ရလဒ်ကို အပြတ်မဖြတ်နိုင်ခဲ့တဲ့ ဒိန်းမတ်အတွက် အဖိုးတန်သင်ခန်းစာဖြစ်ခဲ့ပါတယ်။ ပထမပိုင်းပွဲချိန်အစောပိုင်းမှာရရှိခဲ့တဲ့ အဲရစ်ဆင်ရဲ့သွင်းဂိုးကို ထိန်းသိမ်းဖို့ကြိုးစားရင်းနဲ့ပဲ ဒိန်းမတ်တို့ ပြိုင်ဘက်ကို အခွင့်အရေးတွေ ပေးလာခဲ့ရပါတယ်။ ဒုတိယပိုင်းပွဲချိန်တွေမှာ ဆလိုဗေးနီးယားရဲ့ကစားပုံ ပြန်တက်လာခဲ့ပြီး ဂိုးပေါက်ခြိမ်းခြောက်မှုတွေ ပြုလုပ်နိုင်ခဲ့ကာ ပွဲချိန်နှောင်းပိုင်းအဖိုးတန်ချေပဂိုးနဲ့အတူ ထိုက်တန်တဲ့ရလဒ်တစ်ခု ရှာဖွေနိုင်ခဲ့ပါတယ်။
