သတင်းတွေအရ ဘာစီလိုနာရဲ့နူးကမ့်ကွင်းအဆင့်မြှင့်တင်မှုက ပြီးမြောက်ဖို့ သတ်မှတ်ရက်ထက်နောက်ကျနိုင်တယ်လို့ သိရပါတယ်။ အဆိုပါအခြေအနေတွေကြောင့် ဘာစီလိုနာအနေနဲ့ Montjuic ကွင်းမှာပဲ ဆက်လက်ကန်ရဖို့များနေတယ်လို့သိရပါတယ်။ အက်သလက်တစ်သတင်းဌာနကတော့ ဘာစီလိုနာဟာ နူးကမ့်ကွင်းအခြေအနေကြောင့် ပရိသတ်တွေ နဲ့ အဖွဲ့ဝင်တွေကို  လက်ရှိကန်နေတဲ့ကွင်းမှာပဲ ဆက်ကန်ရမယ်လို့ အီမေးလ်ပို့ထားတယ်လို့ ဖော်ပြခဲ့ပါတယ်။

ဘာစီလိုနာဘက်ကတော့ နူးကမ့်ကွင်းကို အလျင်အမြန်ပြီးစီးနိုင်မယ်လို့ မျှော်လင့်ခဲ့ပေမယ့် ၂၀၂၆ မတိုင်ခင်အထိ ပြီးစီးနိုင်ဖွယ်မရှိတာဖြစ်ပါတယ်။ အသင်းတာဝန်ရှိသူတွေကတော့ လာမယ့်နိုဝင်ဘာမှာ အသင်းသမိုင်း ၁၂၅ နှစ်ပြည့်မှာဖြစ်ပြီး အဆိုပါအချိန်မီနူးကမ့်ကွင်းကို ပြန်ဖို့ စီစဉ်ခဲ့တာဖြစ်ပါတယ်။ နောက်ဆုံးသတင်းတွေအရ ဘာစီလိုနာဘက်က နူးကမ့်ကွင်းအဆင့်မြှင့်မှုကို မေလထဲမှာ ပြီးဆုံးနိုင်ဖို့ ပစ်မှတ်ထားနေတယ်လို့သိရပါတယ်။

အခုချိန်မှာတော့ အဆိုပါပစ်မှတ်ထားမှုက အဆင်မပြေတော့တာကြောင့် ဒီရာသီကို လက်ရှိကန်နေတဲ့ကွင်းမှာပဲ အဆုံးသတ်ရဖို့များနေပါတယ်။ Lluis Companys တွေအနေနဲ့ ဘာစီလိုနာမှာ ဆက်နေလေ စီးပွားရေးအရ အရှုံးပိုများလေဖြစ်လာမှာဖြစ်ပါတယ်။  လက်ရှိတစ်ရာသီလက်မှတ်ကိုင်ဆောင်ထားသူတွေအနေနဲ့လည်း နူးကမ့်ကွင်းထံပြန်လာနိုင်ဖို့ မျှော်လင့်နေပြီး ကွင်းဝင်ကြေးအမြတ်ငွေက ကျဆင်းလာနေတာဖြစ်ပါတယ်။ တကယ်လို့ ဘာစီလိုနာအနေနဲ့ လာမယ့်ရာသီအစမှာ နူးကမ့်ကွင်းကို ပြန်မလာနိုင်ဘူးဆိုရင် အရှက်ရဖွယ်ရှိနေပါတယ်။

အခြားတစ်ဖက်မှာ ပြိုင်ဘက် ရီးရဲလ်အသင်းကလည်း ဘာနေဗျူးကိုအဆင့်မြှင့်တင်မှုပြုလုပ်ခဲ့သေးတာဖြစ်ပြီး အဲ့အချိန်တုန်းက ကိုဗစ်ကြောင့် ပရိသတ်တွေမဝင်ရတဲ့အခြေအနေဖြစ်နေတဲ့အနေအထားမှာ အဆင်ပြေခဲ့တာဖြစ်ပါတယ်။