အာဆင်နယ်ရဲ့တစ်နှစ်တာအကောင်းဆုံး ကစားသမားဆုကို ၂ ကြိမ်ဆက်ရယူနိုင်ခဲ့တဲ့ မာတင်အိုဒီဂတ်
အာဆင်နယ်အသင်းပရိသတ်တွေက ရွေးချယ်ခဲ့ တစ်နှစ်တာအကောင်းဆုံး ကစားသမားဆုကို အသင်းခေါင်းဆောင် အိုဒီဂတ်က ထပ်မံသိမ်းပိုက်နိုင်ခဲ့ပါတယ်။ အိုဒီဂတ်ဟာ ပြီးခဲ့တဲ့ရာသီတုန်းက အာဆင်နယ်အသင်းအတွက် ၈ ဂိုးသွင်း ၊ ၁၀ ဂိုးဖန်တီးပေးနိုင်ခဲ့ကာ မဲပေးမှု ၃၃% နဲ့ဆုရယူနိုင်ခဲ့တာဖြစ်ပါတယ်။
ဒုတိယနေရာကိုတော့ အာဆင်နယ်စတားအသစ် ဒီကလန်ရိုက်စ်က ရရှိခဲ့ပြီး တတိယနေရာမှာတော့ အချစ်တော်နောက်ခံလူ ဝီလီယံဆာလီဘာက ရပ်တည်နေပါတယ်။ အိုဒီဂတ်ဟာ ပြီးခဲ့တဲ့ရာသီတုန်းကလည်း တစ်နှစ်တာအကောင်းဆုံးဆုကိုရရှိခဲ့ပြီး အခုဆို ၂ ကြိမ်ဆက်ရယူနိုင်ခဲ့တဲ့ ဘရက်ဒီ ၊ အီယန်ရိုက် ၊ အွန်နရီနဲ့ ဆာကာတို့ပြီးနောက် ၅ ယောက်မြောက်ကစားသမားဖြစ်လာခဲ့ပါတယ်။ အိုဒီဂတ်နဲ့ သူ့ရဲ့အသင်းဖော်တွေကတော့ လာမယ့်နှဏ်မှာ အခုထက်ပိုကောင်းလာလိမ့်မယ်လို့ ယုံကြည်နေကြပါတယ်။
လာမယ့်ရာသီသစ်မှာလည်း စီးတီးက ဗိုလ်စွဲဖို့ရေပန်းအစားဆုံးဖြစ်နေပေမယ့် အာဆင်နယ်အသင်းသားတွေကတော့ လာမယ့်ရာသီမှာလည်း စီးတီးကိုဆက်လက်ဖိအားပေးနိုင်လိမ့်မယ်လို့ ယုံကြည်နေပါတယ်။
