ယူနိုက်တက်ဟာ ပြင်သစ်ရဲ့ အလားအလာရှိ လူငယ်ကြယ်ပွင့် အန်ဇို ကာနာ-ဘီယစ်ကို နောက်ဆုံးခေါ်ယူမှုအဖြစ် ကြေညာလိုက်ပြီဖြစ်ပါတယ်။ လေဟာဗ် မှ စာချုပ်ကုန်ဆုံးပြီးနောက် ပြောင်းရွှေ့လာတဲ့ အရည်အချင်းရှိ တိုက်စစ်မှူးဟာ ဆွစ်ဇာလန်ကလပ် လော်ဆန်း-စပေါ့ သို့ ချက်ချင်းအငှားသွားရောက် ကစားမှာဖြစ်ပါတယ်။ သူဟာ ယခုနွေရာသီတွင် ယူနိုက်တက်ရဲ့ ကစားသမားသစ်များအဖြစ် ရောက်ရှိလာခဲ့တဲ့ မာသီယပ်စ် ကွန်ညာ ၊ ဒီယေဂို လီယွန် တို့နှင့်အတူ ပူးပေါင်းခဲ့ပြီဖြစ်ပါတယ်။

ယူနိုက်တက်ဟာ အသက် ၁၈ နှစ်အရွယ် ကာနာ-ဘီယစ်ကို ပြင်သစ်လီဂူးဝမ်းကလပ် လေဟာဗ် ခေါ်ယူမှု ပြီးစီးခဲ့ပြီ ဖြစ်ပါတယ်။ ပြင်သစ်လူငယ်လက်ရွေးစင် ကစားသမားဟာ အိုးထရက်ဖို့ဒ်တွင် ရေရှည်စာချုပ် ချုပ်ဆိုခဲ့သော်လည်း လာမယ့်ရာသီကို လော်ဆန်း-စပေါ့တွင် အငှားဖြင့် ကစားမည်ဖြစ်သည်။ ဖီဖာစည်းမျဉ်းများအရ ယူနိုက်တက်ဟာ လေဟာဗ်ကို ပေါင် ၂၀၀,၀၀၀ ဝန်းကျင် တန်ဖိုးရှိ လျော်ကြေးငွေ ပေးချေမည်ဖြစ်ကြောင်း The Athletic ရဲ့ ဖော်ပြချက်အရ သိရပါတယ်။

ကာနာ-ဘီယစ်ဟာ ပါရာဂွေးကွင်းလယ်ဖန်တီးရှင် ဒီယေဂို လီယွန်နှင့်အတူ ယူနိုက်တက်ရဲ့ ယခုနွေရာသီ ဒုတိယမြောက် လူငယ်ကစားသမား ခေါ်ယူမှု ဖြစ်လာခဲ့ပါတယ်။ လီယွန်ဟာ ပထမအသင်းနှင့် လေ့ကျင့်မှုများတွင် ပူးပေါင်းခဲ့သော်လည်း ကာနာ-ဘီယစ်က နိုင်ငံခြားတွင် အရေးပါသော အတွေ့အကြုံများ ရရှိမှာ ဖြစ်ပါတယ်။ ဤပြောင်းရွှေ့မှုဟာ INEOS ရဲ့ ကမ္ဘာ့ဘောလုံးလောကတွင် ခြေရာခံများ ပိုမိုကျယ်ပြန့်လာမှုကို အလေးပေးဖော်ပြနေပြီး လော်ဆန်း-စပေါ့ကလည်း ဗြိတိသျှ လုပ်ငန်းစုကြီးရဲ့ လက်အောက်ခံ ကလပ်တစ်ခု ဖြစ်ပါတယ်။

ကာနာ-ဘီယစ်ဟာ ပြီးခဲ့တဲ့ရာသီက လေဟာဗ် ယူ-၁၉ အသင်းအတွက် ၁၈ ပွဲတွင် ၉ ဂိုး သွင်းယူခဲ့ပါတယ်။ လီဂူးဝမ်း ကလပ်ရဲ အကြီးတန်းပွဲစဉ်များတွင် အရန်လူစာရင်း၌ ပါဝင်ခဲ့သော်လည်း ပရော်ဖက်ရှင်နယ် ပွဲဦးထွက်ကို ပြုလုပ်နိုင်ခဲ့ခြင်း မရှိသေးပါဘူး။ ဆယ်ကျော်သက်ကစားသမားဟာ ပြင်သစ် ယူ-၁၈ အဆင့်တွင် နိုင်ငံကိုယ်စားပြုခဲ့ပြီး သူ့ဖခင်နှင့် အစ်ကိုတို့ နှစ်ဦးစလုံးက ကင်မရွန်းနိုင်ငံအတွက် နိုင်ငံတကာပွဲများ ကစားခဲ့ဖူးသော ဘောလုံးမျိုးရိုးမှ ဆင်းသက်လာသူဖြစ်ပါတယ်။

ပြင်သစ်ကစားသမားက ဆွစ်ဇာလန် စူပါလိဂ်တွင် လော်ဆန်း-စပေါ့အတွက် ထင်ရှားစွာ ပါဝင်ကစားနိုင်မယ်လို့ မျှော်လင့်ရပြီး လျင်မြန်စွာ တိုးတက်ရန် အခွင့်အလမ်းပေးနိုင်မှာ ဖြစ်ပါတယ်။ ယူနိုက်တက်နှင့် ရူဘန် အမ်မိုရင် တို့ဟာ ကာနာ-ဘီယစ်ရဲ့ ရာသီတစ်လျှောက် တိုးတက်မှုကို အနီးကပ် စောင့်ကြည့်နေမှာဖြစ်ပြီး သူသာ ခြေစွမ်းပြနိုင်ခဲ့ပါက အိုးထရက်ဖို့ဒ် ပထမအသင်းတွင် အခွင့်အရေး ရရှိနိုင်ပါတယ်။