တူရကီကလပ် ဘက်စ်ကီးရှီးယားနှင့် ပူးပေါင်းကာ ဘောလုံးအင်ပါယာ ချဲ့ထွင်လိုက်တဲ့ မန်စီးတီး အသင်းပိုင်ရှင်များ
မန်စီးတီးရဲ့ပိုင်ရှင်များဖြစ်တဲ့ City Football Group ဟာ တူရကီကလပ် အစ္စတန်ဘူလ်ဘက်စ်ကီးရှီးယားနှင့် ဘောလုံးဆိုင်ရာပူးပေါင်းဆောင်ရွက်မှုအသစ် ကိုကြေညာခဲ့ပါတယ်။ တူရကီကလပ်ဟာ တိုးတက်မှုနှင့်အောင်မြင်မှုများအတွက်ရည်ရွယ်တဲ့ CFG နှင့်ယခုသဘောတူညီချက်ကို လက်မှတ်ရေးထိုးခဲ့ကြောင်း ကြေညာခဲ့ပါတယ်။
သဘောတူညီချက်အရ CFG ဟာ ပြောင်းရွှေ့မှုများ အကယ်ဒမီဖွံ့ဖြိုးတိုးတက်မှုများနှင့် ဒေတာလုပ်ဆောင်မှု သိမြင်မှုဆိုင်ရာ လမ်းညွှန်ချက်ဖြင့် ဘက်စ်ကီးရှီးယားကို ပံ့ပိုးပေးမှာဖြစ်ပါတယ်။ CFG ဟာ ကစားသမားစစ်ဆေးခြင်းနှင့် ဘောလုံးနည်းဗျူဟာများဖြင့်လည်း ပံ့ပိုးပေးမှာဖြစ်ပါတယ်။
CFG ဟာ ကမ္ဘာတစ်ဝှမ်းရှိ ကလပ်အသင်းများစွာတွင် အဓိကရှယ်ယာပိုင် သို့မဟုတ် ပူးတွဲပိုင်ရှင် ဖြစ်နေပြီဖြစ်ပါတယ်။ အထင်ရှားဆုံးမှာ CFG ဟာ မန်စီးတီးနှင့် ဂျီရိုနာတို့ကို ပိုင်ဆိုင်ထားပါတယ်။ CFG ရဲ့ ပိုင်ဆိုင်မှုအောက်တွင် မန်စီးတီးဟာ ဆုဖလား ၃ လုံးကို တစ်ရာသီအတွင်း ရရှိခဲ့ခြင်းနှင့် ဂျီရိုနာကလည်း အံ့ဩဖွယ် လာလီဂါချန်ပီယံဆုအတွက် စိန်ခေါ်ပွဲမှုများတွင် အောင်မြင်မှုများရှိခဲ့ပါတယ်။
သို့သော်လည်း လီဂူးဝမ်းမှ တန်းဆင်းခဲ့ရတဲ့ ထရွိုင်းစ်အား ကိုင်တွယ်ရာတွင် ဝေဖန်မှုများရှိခဲ့ပြီး မန်စီးတီးအတွက် စံချိန်တင်ခေါ်ယူများလုပ်ခဲ့သော်လည်း ပြင်သစ်ကလပ်အတွက်ကိုတော့ လုပ်ဆောင်ခဲ့ခြင်းမရှိပါဘူး။
ကလပ်ဥက္ကဌ ဂူမက်ဒက်က "အစ္စတန်ဘူလ်ဘက်စ်ကီးရှီးယားက သက်တမ်းနုနယ်သေးသော်လည်း တူရကီဘောလုံးလောကတွင် ပထမဆုံးအောင်မြင်မှုများရရှိခဲ့ပြီး ယနေ့ခေတ်ရဲ့ ကမ္ဘာ့ထိပ်တန်းဘောလုံး အသင်းများနှင့်အတူ ပူးပေါင်းဆောင်ရွက်ခြင်းဟာ ကလပ်နှင့် တူရကီဘောလုံးလောက အတွက် နောက်ထပ်မှတ်တိုင်တစ်ခုဖြစ်ပါတယ်" "အစကတည်းက ကျွန်တော်တို့ရဲ့ မျှော်မှန်းချက်နဲ့ ပန်းတိုင်တွေက မတူညီနေတာဖြစ်ပြီး အခွင့်အရေးတိုင်းကိုက ကန့်သတ်ချက်တွေရှိနေခဲ့တာပါ။ ကျွန်တော်တို့ အရမ်းပျော်ပြီး ဂုဏ်ယူမိပါတယ်" "ယခုလုပ်ငန်းစဉ်မှာ သူတို့ရဲ့ချဉ်းကပ်မှုနဲ့ ပံ့ပိုးမှုတွေအတွက် CFG ကိုကျေးဇူးတင်ပါတယ်။ ဘက်ဆစ်ရှီဟာနဲ့ တူရကီဘောလုံးလောကအတွက် အကျိုးရှိမယ်လို့ မျှော်လင့်ပါတယ်" လို့ သူက ပြောပါတယ်။
CFG ရဲ့ထုတ်ပြန်ချက်တွင်မှာ "ဘက်စ်ကီးရှီးယားက တိုးတက်အောင်မြင်အောင် ရည်ရွယ်ထားတာကြောင့် CFG ဟာ ရေရှည်ဘောလုံးနည်းဗျူဟာ၊ လူသစ်စုဆောင်းမှု၊ လေ့ကျင့်မှုနှင့် နည်းပြမှုနည်းစနစ်များအပါအဝင် အမျိုးမျိုးသော ဘောလုံးပရောဂျက်များတွင် တိုင်ပင်ဆွေးနွေးမှုများကို ဆောင်ရွက်ပေးမှာ ဖြစ်ပါတယ်" "အပြန်အလှန်အားဖြင့် ပူးပေါင်းဆောင်ရွက်မှုဟာ အသိပညာများတိုးပွားစေပြီး ရည်မှန်းချက်ကြီးမားတဲ့ ဘောလုံးနိုင်ငံတစ်ခုဖြစ်တဲ့ တူရကီတွင် ဆက်ဆံရေးများ တိုးတက်စေရန် CFG က ကူညီပေးမှာဖြစ်ပါတယ်။ ဒီလုပ်ဆောင်မှုဟာ မျှဝေမှုအမြင်ရှိတဲ့ ကလပ်တစ်ခုနဲ့ ထွန်းသစ်စ ဘောလုံးနယ်ပယ်တွေမှာ ပူးပေါင်းဆောင်ရွက်ဖို့ အခွင့်အလမ်းကိုလည်း ပေးမှာဖြစ်ပါတယ်" လို့ ပါရှိပါတယ်။
ဘက်စ်ကီးရှီးယားဟာ CFG ရဲ့အကူအညီဖြင့် မန်စီးတီးနှင့် ဂျီရိုနာတို့ လုပ်ဆောင်ခဲ့တဲ့အတိုင်း တူရကီစူပါလိဂ်ရဲ့ထိပ်သို့ ပြန်တက်လှမ်းနိုင်မယ်လို့ အကောင်းမြင်နိုင်ပါတယ်။ သို့သော်လည်း အခြားသော CFG အုပ်စုပိုင် ကလပ်တွေဟာ အဖွဲ့ရဲ့ လမ်းညွှန်မှုအောက်တွင် မည်သို့လုပ်ဆောင်ခဲ့ကြသည်ကို စိုးရိမ်စရာ အကြောင်းတစ်စုံတစ်ရာ ရှိနိုင်ပါတယ်။
