သတင်းတွေအရ ယူနိုက်တက်ဟာ ဘရန့်ဖို့ဒ်စတား အမ်ဘွီမိုကိုခေါ်ယူနိုင်ဖို့ နီးစပ်လာတယ်လို့ သိရပါတယ်။ Daily Mail သတင်းဌာနရဲ့အဆိုအရ ယူနိုက်တက်ဟာ အမ်ဘွီမိုကိုခေါ်ယူနိုင်ဖို့ အရှိန်မြှင့်လုပ်ဆောင်လာတယ်လို့ ဆိုပါတယ်။ ဘရန့်ဖို့ဒ်ဘက်က သူတို့စတားအမတွက် ပေါင် ၆၅ သန်းတောင်းဆိုနေပြီး ယူနိုက်တက်ဘက်က တစ်ပတ်လုပ်ခပေါင် ၂ သိန်းအောက်နဲ့ ပုဂ္ဂိုလ်ရေးသဘောတူညီမှုရယူနိုင်မယ်လို့ ယုံကြည်နေပါတယ်။

ယူနိုက်တက်ဟာ အမ်ဘွီမိုကို ၂ ကြိမ်တိုင်ကမ်းလှမ်းထားခဲ့ပေမယ့် ပယ်ချခံခဲ့ရပြီး ပထမတစ်ကြိမ်က ပေါင် ၅၅ သန်း ၊ ဒုတိယတစ်ကြိမ်က ပေါင် ၆၂.၅ သန်းနဲ့ ကမ်းလှမ်းခဲ့တာဖြစ်ပါတယ်။ တကယ်လို့အပြောင်းအရွှေ့ဖြစ်လာခဲ့ရင် ကင်မရွန်းသားဟာ အာမိုရင်ရဲ့နည်းစနစ်မှာ ကန်ဟာနဲ့အတူ နံပတ် ၁၀ နေရာမှာတွဲဖက်ကစားရဖွယ်ရှိနေပါတယ်။ သူတို့ ၂ ဦးပေါင်း ပြီးခဲ့တဲ့ရာသီတုန်းက ပရီးမီးယားလိဂ် ၃၅ ဂိုးအထိသွင်းယူထားနိုင်ခဲ့ပြီး ယူနိုက်တက်မှာလည်း ဆက်လက်စွမ်းဆောင်ရည်ကောင်းပြသနိုင်မယ်လို့ မျှော်လင့်နေပါတယ်။

သတင်းတွေအရ အမ်ဘွီမိုဟာ ငယ်စဉ်ကတည်းက ယူနိုက်တက်ပရိသတ်ဖြစ်သလို တော့တင်ဟမ်က စိတ်ဝင်စားနေပေမယ့် ယူနိုက်တက်ထံသာပြောင်းချင်နေပါတယ်။ တကယ်လို့ယူနိုက်တက်အနေနဲ့ ဘရန့်ဖို့ဒ်တောင်းဆိုတဲ့တန်ကြေးကိုပေးချေနိုင်မယ်ဆိုရင် အပြောင်းအရွှေ့အတွက်ကျန်တာတွေက အလျင်အမြန်ပြီးစီးဖွယ်ရှိနေပါတယ်။လာမယ့်ပရီးမီးယားလိဂ်ရာသီသစ်ကို သြဂုတ်လ ၁၆ ရက်နေ့မှာစတင်မှာဖြစ်ပြီး ယူနိုက်တက်ကတော့ တိုက်စစ်ပိုင်းမှာ အမ်ဘွီမိုကိုထပ်မံပေါင်းထည့်ချင်နေပါတယ်။