မန်စီးတီးနည်းပြ ဂွါဒီယိုလာက ဘုန်းမောက်နဲ့အက်ဖ်အေဖလားပွဲမှာ ခြေကျင်းဝတ်ဒဏ်ရာရခဲ့တဲ့ ဟာလန်းတစ်ယောက် ရက်အနည်းငယ်နားရမယ်လို့ ထုတ်ဖော်ပြောကြားလိုက်ပါတယ်။ စီးတီးအသင်းဘက်က ဘုန်းမောက်ကို ၂-၁ နဲ့အနိုင်ရခဲ့တဲ့ပွဲမှာ ဟာလန်းအနေနဲ့ ခြေကျင်းဝတ်ဒဏ်ရာရရှိခဲ့တယ်လို့ အတည်ပြုခဲ့ပါတယ်။

“ဆရာဝန်တွေကတော့ ဟာလန်းအနေနဲ့ ၅ ပတ်ကနေ ၇ ပတ်လောက်အထိနားရနိုင်တယ်လို့ ပြောပါတယ်။ ရာသီအကုန် ကလပ်ကမ္ဘာ့ဖလားမတိုင်ခင် သူပြန်လာနိုင်ဖို့ မျှော်လင့်ပါတယ်။ အာလင်းရဲ့အချက်အလက်တွေက တကယ့်ကိုထိပ်တန်းအဆင့်မှာပါ။ သူက ပြိုင်ဘက်ကို ခြိမ်းခြောက်နိုင်ပါတယ်။ အဝေးဘောအပြင် ဂိုးပေါက်ပါ ခြိမ်းခြောက်နိုင်ပါတယ်။ 

ဒါပေမယ့် ကျွန်တော်တို့ အခြားကစားသမားတွေနဲ့ ထိန်းညှိရပါတယ်။ကျွန်တော်တို့မှာ ဟာလန်းလိုကစားသမားမျိုး နောက်တစ်ယောက်မရှိပါဘူး။ အဲ့တာကို ကျွန်တော်တို့ သိပါတယ်။ ဒါပေမယ့် ကျွန်တော်တို့ အဆင်ပြေအာင်လုပ်ရပါတယ်။ နှစ်တော်တော်များများကတည်းက ကျွန်တော်တို့တိုက်စစ်မှာ မတူညီတဲ့ကစားသမားတွေနဲ့ ကစားခဲ့တာပါ။အဲ့တာက ကစားသမားအရည်အချင်းအပေါ်မှာ မူတည်နေပါတယ်။ကျွန်တော်တို့ အဖြေရှာဖို့ လိုအပ်ပါတယ်”လို့ ဂွါဒီယိုလာက ပြောကြားခဲ့ပါတယ်။ 

လာမယ့် လက်စတာနဲ့ပွဲမှာ စီးတီးတိုက်စစ်ကို အိုမာမာမွတ်ရှ်က ဦးဆောင်ရဖွယ်ရှိနေပြီး နောက်ထပ်လက်ကျန်ပွဲတွေကိုပါ ထပ်မံဦးဆောင်ရဖို့များနေပါတယ်။ စီးတီးဟာ လာမယ့်တနင်္ဂနွေနေ့မှာ ယူနိုက်တက်နဲ့ရင်ဆိုင်ရမှာဖြစ်ပြီး လာမယ့်ရာသီ ထိပ်ဆုံး ၅ သင်းဝင်တာနဲ့ ချန်ပီယံလိဂ်ဝင်ခွင့်ရဖို့ သေချာမှာဖြစ်ပါတယ်။