ဂျူဗင်တပ်စ်စတားကို ပေါင် ၅၄ သန်းနဲ့ခေါ်ယူနိုင်တော့မယ့် မန်စီးတီး
သတင်းတွေအရ မန်စီးတီးအသင်းဟာ ဂျူဗင်တပ်စ်အသင်းဘယ်နောက်ခံလူ အန်ဒရီယာကမ်ဘီယာဆိုကို ခေါ်ယူနိုင်တော့မယ်လို့ သိရပါတယ်။ အသက် ၂၄ နှစ်သားဟာ ဂျူဗင်တပ်စ်ကိုမပြောင်းခင် ဂျီနိုအာအကယ်ဒမီကနေ တိုးတက်လာခဲ့တာဖြစ်ပါတယ်။ ဘိုလော့ဂ်နာအသင်းမှာ ၁ ရာသီအငှားကစားခဲ့ပြီးနောက် ကမ်ဘီယာဆိုဟာ ပြီးခဲ့တဲ့ရာသီတုန်းက ပုံမှန်နေရာရလာခဲ့တာဖြစ်ပါတယ်။
ဒါပေမယ့် အခုချိန်မှာတော့ ကမ်ဘီယာဆိုတစ်ယောက် စီးတီးထံပြောင်းရွှေ့တော့မှာဖြစ်ပြီး ပေါင် ၅၄ သန်းတန်ကြေးရှိနိုင်တယ်လို့ သိရပါတယ်။ နောက်ထပ်သတင်းတွေအရ စီးတီးဟာ ကမ်ဘီယာဆိုကို ၅ နှစ်စာချုပ် + ထပ်တိုး ၁ နှစ်နဲ့ ပေါင်း ၆ နှစ်ချုပ်ဆိုမှာဖြစ်တယ်လို့ သိရပါတယ်။ ဂျူဗင်တပ်စ်အသင်းဘက်ကတော့ ပေါင် ၆၇ သန်းအထိ အလိုရှိနေပေမယ့် စီးတီးဘက်က အဆိုပါပမာဏလောက်အထိ ပေးချေသွားနိုင်တယ်လို့ သိရပါတယ်။
ကမ်ဘီယာဆိုတစ်ယောက် ပြီးခဲ့တဲ့ဂျူဗီအသင်းရဲ့နောက်ဆုံး ၉ ပွဲမှာ ၁ ပွဲသာ ပွဲထွက်ခွင့်ရရှိခဲ့ပြီး သီယာဂိုမော့တာကတော့ ကမ်ဘီယာဆိုအနေနဲ့ ရောင်ရမ်းတဲ့ဝေဒနာခံစားနေရတယ်လို့ ထုတ်ဖော်ပြောကြားခဲ့ပါတယ်။
“လက်ရှိအချိန်မှာ ကမ်ဘီယာဆိုအနေနဲ့ ရောင်ရမ်းတဲ့ဝေဒနာကို ခံစားနေရတာပါ။ ဒါပေမယ့် သူကစားနိုင်တုန်း လေ့ကျင့်ခန်းဆင်းနိုင်တုန်းပါပဲ”လို့ မော့တာက ပြောကြားခဲ့ပါတယ်။ ကမ်ဘီယာဆိုဟာ အီတလီအသင်းအတွက် ၁၃ ပွဲပါဝင်ကစားထားကကာ ပြီးခဲ့တဲ့ ၂၀၂၄ ယူရိုတုန်းက ၃ ပွဲပါဝင်ကစားခဲ့ပါတယ်။အီတလီသားဟာ ပြီးခဲ့တဲ့မေလတုန်းက ဂျူဗင်အသင်းနဲ့ ၂၀၂၉ မတိုင်ခင်အထိ သက်တမ်းတိုးထားခဲ့တာဖြစ်ပါတယ်။
