သတင်းတွေအရ ရီးရဲလ်အသင်းနည်းပြဟောင်း ဇီဒန်းတစ်ယောက် ဂျူဗင်တပ်စ်အသင်းနည်းပြနေရာအတွက် ချိတ်ဆက်ခံနေရတယ်လို့ သိရပါတယ်။ လက်ရှိနည်းပြ သီယာဂိုမော့တာရဲ့အခြေအနေက ဖိအားတွေများနေပြီး ပထမရာသီမှာတင် အထုတ်ခံရဖို့ အလားအလာများနေပါတယ်။ ဂျူဗင်တပ်စ်နဲ့ပထမရာသီမှာတင် မော့တာဟာ အသင်းကို လမ်းကြောင်းမှန်ပေါ်တင်မပေးနိုင်ပဲ ကိုပါအီတာလီယာ ၊ ချန်ပီယံလိဂ်ပြိုင်ပွဲတွေကနေ ထွက်ခွာစေခဲ့တာဖြစ်ပါတယ်။

လက်ရှိစီးရီးအေအမှတ်ပေးဇယားမှာလည်း ဂျူဗင်တပ်စ်အသင်းဟာ အဆင့် ၅ နေရာမှာ ရပ်တည်နေပါတယ်။ တကယ်လို့ လာမယ့်ဂျီနိုအာနဲ့ပွဲမှာသာ ရလဒ်မကောင်းခဲ့ရင် မော့တာအနေနဲ့ အဆိုပါပွဲက သူ့ရဲ့နောက်ဆုံးပွဲဖြစ်လာဖွယ်ရှိနေပါတယ်။ မော့တာအနာဂတ်မသေချာချိန်မှာ သတင်းတော်တော်များများက ဂျူဗင်တပ်စ်ဟာ လက်ရှိနည်းပြ မော့တာနေရာမှာ ဇီဒန်းနဲ့အစားထိုးဖို့ ပြင်ဆင်နေတယ်လို့ ဖော်ပြနေကြပါတယ်။

ဒယ်လိုစပေါ့တ်သတင်းဌာနကတော့ ဂျူဗင်တပ်စ်ဟာ မော့တာနေရာမှာ မန်ချီနီ ဒါမှမဟုတ် နောက်ခံလူဟောင်း အီဂေါတူဒါတို့ထဲကတစ်ဦးဦးကိုသာ အစားထိုးဖွယ်ရှိနေတယ်လို့ ဆိုပါတယ်။ ပြင်သစ်သားက ဂျူဗင်တပ်စ်အသင်းရဲ့ထိပ်တန်းဦးစားပေးနည်းပြဖြစ်ပေမယ့် သူကိုယ်တိုင်က နိုင်ငံအသင်းဖြစ်တဲ့ မိခင်ပြင်သစ်အသင်းကိုသာကိုင်တွယ်ချင်နေပါတယ်။
မကြာခင်မှာ ဒက်စ်ချမ့်က အသင်းကနေထွက်ခွာတော့မှာဖြစ်တာကြောင့် ဇီဒန်းအတွက် အခွင့်အရေးရှိလာမှာဖြစ်ပါတယ်။

ဇီဒန်းဟာ ၂၀၂၁ ရီးရဲလ်ကနေထွက်ခွာပြီးကတည်းက ဘယ်အသင်းကိုမှနည်းပြမလုပ်သေးတာဖြစ်ပါတယ်။ ဂျူဗင်တပ်စ်ဟာ နိုင်ငံတကာရက်သတ္တပတ်အပြီးမှာ ဂျီနိုအာနဲ့ရင်ဆိုင်ရမှာဖြစ်ပြီး မော့တာအနေနဲ့ မဖြစ်မနေအနိုင်ကန်ဖို့ လိုအပ်နေပါတယ်။