ဘက်တစ်ကွင်းလယ်လူအစ္စကိုက ရီးရဲလ်မက်ဒရစ်ကစားသမားဘဝမှာ အောင်မြင်မှုမရရှိခဲ့ခြင်းအတွက် အပြစ်တင်ဖို့ဆိုရင် မိမိကိုယ်ကိုယ်ပဲ အပြစ်တင်သွားရလိမ့်မယ်လို့ ပြောခဲ့ပါတယ်။ AS သတင်းဌာနနဲ့တွေဆုံမေးမြန်းခန်းအတွင်း ရီးရဲလ်မက်ဒရစ်နဲ့အတူ စာချုပ်သက်တမ်းနောက်ဆုံးနှစ်မှာ အထင်ကြီးလောက်စရာစွမ်းဆောင်ရည်မျိုး ဘာကြောင့်မပြသနိုင်ခဲ့လဲလို့ မေးမြန်းလာချိန် အစ္စကိုက ဘယ်သူ့ကိုမှတရားခံမရှာဘဲ သူကိုယ်တိုင်ပဲ တာဝန်ယူသွားဖို့ ဆုံးဖြတ်ခဲ့ပါတယ်။

သူက “ စိတ်ပိုင်းဆိုင်ရာအရ အဆင်မပြေဖြစ်နေချိန်မျိုးဆိုရင် ဒါက ကိုယ့်ရဲ့ကစားပုံမှာ ပေါ်လွင်လာပါလိမ့်မယ်။ အလွန်ဆိုးရွားလှတဲ့ အားကစားနဲ့ ကိုယ်ရေးကိုယ်တာအခိုက်အတန့်ကာလတွေကို ကျွန်တော် ဖြတ်သန်းခဲ့ရပါတယ်။ ပြန်ကောင်းလာအောင် ဘယ်လိုပုံစံမျိုးနဲ့လုပ်ရမယ်ဆိုတာ မသိခဲ့ပါဘူး။ ကျွန်တော့်ရဲ့ထွက်ခွာလာမှုအတွက် တာဝန်ရှိသူက ကျွန်တော်ကိုယ်တိုင်ပဲ ဖြစ်ပါတယ်”လို့ ဆိုပါတယ်။

ကစားသမားဘဝအနားယူမယ့်အချိန်အကြောင်း မေးမြန်းမှု ကိုလည်း နေဝင်ချိန်ကစားသမားတွေကိုယ်တိုင် မပြုလုပ်နိုင်ခဲ့တဲ့ အရာတစ်ခုကို အောင်မြင်အောင်လုပ်ဆောင်သွားဖို့ ရည်မှန်းထားတယ်လို့ တုံ့ပြန်ခဲ့ပါတယ်။ အစ္စကိုက “ ဘောလုံးက ကျွန်တော့်ကို မချန်ထားနိုင်ခင် ကျွန်တော်က ဘောလုံးကို ချန်ထားခဲ့ချင်တယ်”လို့ ဆိုပါတယ်။ အခုတော့ အစ္စကိုက ဘက်တစ်မှာ အကောင်းဆုံးခြေစွမ်းပြနေပြီး ဘောလုံးရာသီသစ်အတွက်လည်း ကြိုတင်ပြင်ဆင်မှုတွေ လုပ်ဆောင်နေပါတယ်။