မန်စီးတီးစတားဟောင်း ဖာရန်တောရက်စ်တစ်ယောက် ဘာစီလိုနာကိုပြောင်းပြီးကတည်းက ဥရောပရဲ့အကောင်းဆုံးတိုက်စစ်မှူးတစ်ဦးဖြစ်လာနေတယ်လို့ အချက်အလက်တွေက ဆိုပါတယ်။ ပြီးခဲ့တဲ့ညတုန်းက တီကိုအသင်းနဲ့ကိုပါဒယ်ရေးဆီမီးဖိုင်နယ်ပွဲမှာ ဖာရန်တောရက်စ်ဟာ နောက်ထပ်တစ်ဂိုးသွင်းယူနိုင်ခဲ့ပြီး ဘာစီလိုနာကို ဖိုင်နယ်ပို့ဆောင်ပေးနိုင်ခဲ့ပါတယ်။

အမှန်တကယ်မှာလည်း စပိန်သားရဲ့အချက်တွေက အခြားဥရောပထိပ်တန်းလိဂ် ၅ လိဂ်က ဘယ်ကစားသမားထက်မဆို ဂိုးပေါက်ရှာတွေ့နိုင်ဖို့ မိနစ်အနည်းငယ်သာ အချိန်ယူရတာဖြစ်ပါတယ်။ Opta ရဲ့အဆိုအရ တောရက်စ်ဟာ ဒီရာသီပြိုင်ပွဲစုံ အနည်းဆုံး ၁၀ ဂိုးသွင်းယူထားတဲ့ ဥရောပထိပ်တန်းလိဂ် ၅ လိဂ်က ဘယ်ကစားသမားထက်မဆို မိနစ်အနည်းငယ်သာ အချိန်ယူရတယ်လို့ ဆိုပါတယ်။

အသက် ၂၅ နှစ်သားဟာ ၃၅ ပွဲမှာ ၁၆ ဂိုးသွင်းယူထားနိုင်ခဲ့ပြီး ပျမ်းမျှ ၁၂၉၂ မိနစ်မှာ  ၈၁ မိနစ်ကို ၁ ဂိုးနှုန်းသွင်းယူထားနိုင်ခဲ့ပါတယ်။ အဆိုပါစွမ်းဆောင်ရည်တွေကြောင့် စပိန်သားကို အာဆင်နယ် နဲ့ ဗီလာတို့က စိတ်ဝင်စားနေပါတယ်။ အနာဂတ်မသေချာပေမယ့် ကစားသမားကိုယ်တိုင်ကတော့ ဘာစီလိုနာမှာ ပျော်ရွှင်နေတယ်လို့ ဆိုပါတယ်။

ဖလစ်ကလည်း တိုက်စစ်မှာ လီဝန်ဒေါစကီး ၊ ယာမဲလ် နဲ့ ရာဖင်ဟာတို့ရှိနေတာကြောင့် အလှည့်ကျအသုံးပြုနေရတာဖြစ်ပါတယ်။ ဗလန်စီယာ နဲ့ မန်စီးတီးစတားဟောင်းဟာ လာမယ့်စနေနေ့ ဘက်တစ်နဲ့ပွဲမှာလည်း ဂိုးပေါက်ထပ်မံရှာတွေ့နိုင်ဖို့ မျှော်လင့်နေပါတယ်။ ဘာစီလိုနာဟာ လက်ရှိမှာ ဒုတိယနေရာက ရီးရဲလ်အသင်းကို ၃ မှတ်အသာနဲ့ ဦးဆောင်နေပြီး ဖေဖော်ဝါရီတုန်းက ဆယ်လ်တာကို ၃-၂ နဲ့အရေးနိမ့်ပြီးနောက် ၆ ပွဲဆက်နိုင်ပွဲရနေတဲ့ ပယ်လီဂရီနီရဲ့ဘက်တစ်နဲ့ အစမ်းသပ်ခံရမှာဖြစ်ပါတယ်။