မန်စီးတီးလူငယ်ကစားသမားတွေဖြစ်တဲ့ ပူဆေး၊ အိုရွိုင်လေ၊ မူဗာမာတို့ရဲ့စွမ်းဆောင်ရည်ပိုင်းနဲ့ပတ်သက်လို့ အခုထက်ပိုပြီး ကျေနပ်အားရနိုင်စွမ်း မရှိတော့ပါဘူးလို့ ပက်ဂွါဒီယိုလာက ပြောပါတယ်။ မန်စီးတီးနည်းပြက ဆဲလ်ဖို့ကို ဂိုးပြတ်အနိုင်ရရှိတဲ့ပွဲစဉ်မှာ ဟက်ထရစ်သွင်းယူခဲ့တဲ့ မက်အာတီရဲ့ခြေစွမ်းပိုင်းကို ချီးကျူးဂုဏ်ပြုခဲ့ပေမယ့် သူသဘောကျနှစ်ခြိုက်တဲ့အခြားလူငယ်ကစားသမားသုံးဦးရဲ့ပံ့ပိုးကူညီပေးမှုကိုလည်း မီးမောင်းထိုးဖော်ပြဖို့ စိတ်အားထက်သန်ခဲ့ပါတယ်။

ပက်ဂွါဒီယိုလာက “ ပူဆေး၊ အိုရွိုင်လေတို့အတွက် ကျွန်တော် တကယ်ကိုကျေနပ်အားရမိပါတယ်။ အိုရွိုင်လေဆိုရင် သူ့ရဲ့ဘဝမှာ ပထမဆုံးအကြိမ် ဘယ်ခြမ်းခံစစ်အစွန်နေရာအတွက် ကစားပေးခဲ့တာပါ။ သူ့ဆီမှာ ကွင်းလယ်အထိုင်ကစားဖို့အတွက် အခြေအနေကောင်းတွေ ရှိပါတယ်။ ဒါပေမယ့် သူ ဒီနေရာမှာ ကစားနိုင်စွမ်းရှိတယ်ဆိုတာကို မယုံကြည်တာမျိုးလည်း ဖြစ်ကောင်းဖြစ်နိုင်ပါတယ်။

သူက ကျွန်တော်တို့ ယုံကြည်အားကိုးနိုင်တဲ့ နောက်ထပ်အရည်အချင်းရှိလူငယ်လေးတစ်ဦး ဖြစ်ပါတယ်။ မူဗာမာရဲ့ရွေ့လျားလှုပ်ရှားနိုင်စွမ်းကလည်း မယုံကြည်နိုင်စရာပါပဲ။ သူက မှန်ကန်တဲ့ အရှိန်အဟုန်နဲ့ ပြိုင်ဘက်ကို ဖိအားပေးကစားသွားခဲ့တာပါ။ 
ပထမဆုံးဂိုးမှာဆိုရင်လည်း လွယ်လွယ်ကူကူပဲ လုပ်ဆောင်သွားပုံရပါတယ်။ ဒါပေမယ့် နောက်ခံလူအတွက် တန်ပြန်လှုပ်ရှားမှုပြုလုပ်သွားတဲ့ သူ့ရဲ့ပုံစံက တကယ်ကောင်းလွန်းပါတယ်”လို့ ပြောပါတယ်။