တန်ဟက်ကို ယခုရက်သတ္တပတ် အစောပိုင်းက လေဗာကူဆင်ရဲ့ မန်နေဂျာသစ်အဖြစ် ကြေညာခဲ့ပြီး ဂျာမန်ကလပ်မှ ရီးရဲလ်မက်ဒရစ်သို့ ထွက်ခွာသွားတဲ့ ဇာဗီအလွန်ဆိုရဲ့ နေရာကို ဆက်ခံခဲ့ပါတယ်။ အောက်တိုဘာလကုန်တွင် ယူနိုက်တက်မှ ထုတ်ပယ်ခြင်း ခံရပြီးနောက် ဒါဟာ တန်ဟက်ရဲ့ ပထမဆုံး မန်နေဂျာရာထူးဖြစ်ပါတယ်။ လေဗာကူဆင်ဟာ ပြီးခဲ့တဲ့နှစ်က ဘွန်ဒက်စ်လီဂါဖလားကို ရရှိခဲ့ပြီး ယခုရာသီတွင် ဘိုင်ယန်မြူးနစ်နောက် ဒုတိယနေရာ ရရှိခဲ့ပါတယ်။

သို့သော် လေဗာကူဆင်ရဲ့ ကစားသမားအင်အားကို ယခုနွေရာသီတွင် အဓိကကလပ်ကြီးများက ခွဲထုတ်သွားဖွယ်ရှိခြင်းကြောင့် တန်ဟက်တွင် လုပ်စရာ အလုပ်ကြီးတစ်ခု ရှိနေပါတယ်။ လီဗာပူးက ဖလိုရီယန်ဝါ့ဇ် အတွက် ငွေကြေးအမြောက်အမြား အသုံးပြု၍ ဆွေးနွေးနေသလို ပရီးမီးယားလိဂ်ချန်ပီယံဟာ ဂျက်ရမီ ဖရင်းပေါင် ကိုလည်း ခေါ်ယူရန်ဖို့ မျှော်လင့်နေပါတယ်။

တန်ဟက်အတွက် နောက်ထပ်ရိုက်ခတ်မှုတစ်ခုမှာ လေဗာကူဆင်ရဲ့ ဒုတိယအသင်းခေါင်းဆောင် ဂျိုနာသန်တာ ရဲ့ ဘိုင်ယန်မြူးနစ်သို့ ပြောင်းရွှေ့မှုက ကြာသပတေးနေ့တွင် အတည်ပြုခဲ့ခြင်း ဖြစ်ပါတယ်။ ဝါ့ဇ်ရဲ့ နီးကပ်လာတဲ့ ထွက်ခွာမှုဟာ လေဗာကူဆင်အတွက် တန်ဟက်ရဲ့ တိုက်စစ်ပိုင်းရွေးချယ်မှုများကို အားဖြည့်ရန် တွန်းအားပေးမှာဖြစ်ပြီး ယူနိုက်တက် ကစားသမားနှစ်ဦးကို ရွေးချယ်စရာများအဖြစ် ဆွေးနွေးခဲ့ပြီး ဖြစ်ပါတယ်။

၂၀၂၂ ခုနှစ်တွင် ယူနိုက်တက်ဟာ အန်တိုနီအတွက် ပေါင် ၈၂ သန်းတန် ပြောင်းရွှေ့မှုကို ခွင့်ပြုခဲ့သူမှာ တန်ဟက်ဖြစ်ပြီး အသက် ၂၅ နှစ်အရွယ် ကစားသမားဟာ ပရီးမီးယားလိဂ်တွင် ခြေစွမ်းမပြနိုင်ခဲ့ပါဘူး။ တစ်ချိန်တည်းမှာပင် ဂါနာချိုကို ယူနိုက်တက် နည်းပြ အမ်မိုရင်က ယခုနွေရာသီတွင် ကလပ်မှ ထွက်ခွာနိုင်ကြောင်း ပြောကြားခဲ့ပါတယ်။ ပေါင်သန်း ၅၀ ဝန်းကျင် တန်ကြေးရှိတဲ့ အာဂျင်တီးနားလက်ရွေးစင် ကစားသမားကို ချဲလ်ဆီးနှင့် နာပိုလီ တို့က စိတ်ဝင်စားကြောင်း သိရပါတယ်။

အိုင်းယက်စ်နည်းပြဟောင်း တန်ဟက်က အန်တိုနီနှင့် ဂါနာချိုနှစ်ဦးစလုံးကို သဘောကျသော်လည်း Kicker က လက်ရှိအခြေအနေတွင် ပါဝင်ပတ်သက်နေတဲ့ ငွေကြေးပမာဏကြောင့် လေဗာကူဆင်အတွက် ခေါ်ယူရန် မဖြစ်နိုင်သေးကြောင်း ဖော်ပြထားပါတယ်။ လေဗာကူဆင်ဟာ လိုင်ယွန်မှ ထွက်ခွာတော့မယ့် ကွင်းလယ်ဖန်တီးရှင် ရာရန် ချာကီ ကိုလည်း စိတ်ဝင်စားနေသော်လည်း မန်စီးတီးရဲ့ စိတ်ဝင်စားမှုကြောင့် ထိုအပြောင်းအရွှေ့ပြိုင်ပွဲတွင် ခက်ခဲစွာ ရင်ဆိုင်ရမှာလည်း ဖြစ်ပါတယ်။

တန်ဟက်ဟာ ယူနိုက်တက်ကို ကိုင်တွယ်ခဲ့စဉ် ကာရာဘောင်ဖလား နှင့် အက်ဖ်အေဖလားတို့ကို ရရှိခဲ့သော်လည်း အသင်းက ပရီးမီးယားလိဂ်တွင် ၁၄ နေရာသာ ရရှိခဲ့ပြီးနောက် ထုတ်ပယ်ခံခဲ့ရပါတယ်။ သရဲနီတို့ဟာ ပေါ်တူဂီချန်ပီယံ အမ်မိုရင်လက်အောက်တွင် တိုးတက်လာမယ်လို့ မျှော်လင့်ခဲ့သော်လည်း အမှန်တကယ်မှာတော့ အဆင့် ၁၅ နေရာသို့ ကျဆင်းခဲ့ရပါတယ်။ တန်ဟက်က ၎င်းကို နှစ်နှစ်စာချုပ်ဖြင့် ခန့်အပ်ပြီးနောက် ဘိုင်ယန် လေဗာကူဆင်ကို "ဂျာမနီရှိ အကောင်းဆုံး ကလပ်များထဲမှ တစ်ခုဖြစ်ပြီး ဥရောပရှိ ထိပ်တန်းကလပ်များထဲတွင်လည်း ပါဝင်တယ်" လို့ ပြောကြားခဲ့ပါတယ်။

"ပြီးခဲ့တဲ့နှစ်တွေက ပြသခဲ့တဲ့ ရည်မှန်းချက်တွေကို ဆက်ပြီး လုပ်ဆောင်ဖို့ လေဗာကူဆင်ကို ရောက်လာခဲ့တာပါ။ဒီပြောင်းလဲချိန်မှာ အတူတူ တစ်ခုခုကို တည်ဆောက်ပြီး ရည်မှန်းချက်ကြီးတဲ့ အသင်းတစ်သင်းကို တည်ဆောက်ဖို့ စိတ်ဝင်စားစရာ စိန်ခေါ်မှုတစ်ခုပါ" လို့ သူက ပြောပါတယ်။ လေဗာကူဆင် အားကစားဒါရိုက်တာ ဆိုင်မွန် ရော့ဖ်စ် က "အဲရစ် တန်ဟက်နဲ့အတူ ကျွန်တော်တို့ဟာ ကွင်းထဲမှာ အထင်ကြီးစရာ အောင်မြင်မှုတွေ ရရှိခဲ့တဲ့ အတွေ့အကြုံရှိ နည်းပြတစ်ဦးကို ခေါ်ယူခဲ့တာပါ"

"လိဂ်ဖလား သုံးကြိမ်နဲ့ ပြည်တွင်းဖလား နှစ်ကြိမ် ရရှိခဲ့ပြီး သူနဲ့ အိုင်းယက်စ်ဟာ ၂၀၁၈ ကနေ ၂၀၂၂ ခုနှစ်အထိ ဒတ်ချ်ဘောလုံးလောကကို လွှမ်းမိုးခဲ့ပါတယ်" "အဲရစ်ဟာ ယူနိုက်တက်ရှိ အချို့အချိန်တွေမှာ ခက်ခဲတဲ့ အခြေအနေတွေအောက်မှာ ရရှိခဲ့ပေမယ့် အောင်မြင်မှုတွေနဲ့ နည်းပြတစ်ဦးအနေနဲ့ သူ့ရဲ့ အရည်အချင်းကို ပြသခဲ့ပါတယ်" လို့ ထပ်လောင်းပြောကြားခဲ့တယ်။