ယူနိုက်တက်စတားအသစ် အမ်ဘွီမိုတစ်ယောက် ပေါင် ၇၁ သန်းဆိုတဲ့တန်ကြေးနဲ့ ထိုက်တန်တယ်လို့ ဆရာဟောင်းဖြစ်သူ သောမက်စ်ဖရန့်ခ်က ထောက်ခံလိုက်ပါတယ်။

ရက်သတ္တပတ်ပေါင်းများစွာဆွေးနွေးခဲ့ပြီးနောက် ယူနိုက်တက်ဟာ ဘရန့်ဖို့ဒ်စတား အမ်ဘွီမိုကို ပေါင် ၇၁ သန်းနဲ့ခေါ်ယူနိုင်ခဲ့တာဖြစ်ပါတယ်။ယူနိုက်တက်ဟာ အမ်ဘွီမိုအတွက် ကနဦးပေါင် ၆၅ သန်း ပေးချေရမှာဖြစ်ပြီး အပိုဆုကြေးအဖြစ် ပေါင် ၆ သန်းပေးချေရမှာဖြစ်ပါတယ်။
အမ်ဘွီမိုဟာ သောမက်စ်ဖရန့်ခ်လက်အောက်မှာ ခြေစွမ်းပြနိုင်ခဲ့တာဖြစ်ပြီး ပရီးမီးယားလိဂ်သွင်းဂိုး ၂၀ ဂိုးအထိသွင်းယူနိုင်ခဲ့ပါတယ်။

သောမက်စ်ဖရန့်ခ်အကူအညီနဲ့ တော့တင်ဟမ်ဟာ အမ်ဘွီမိုကိုခေါ်ယူဖို့ ကြိုးပမ်းခဲ့သေးပေမယ့် ကစားသမားက ယူနိုက်တက်ကိုသာ ရွေးချယ်ခဲ့ပါတယ်။

“ဘရိုင်ယန်က ထိပ်တန်းကစားသမားတစ်ဦးပါ။ ကျွန်တော် သူနဲ့အတူ ၅ နှစ်တာဖြတ်သန်းခဲ့တာပါ။ အခုတန်ကြေးက သူနဲ့ထိုက်တန်ပါတယ်။ ဘယ်အသင်းကိုပဲပြောင်းပြောင်းပါ။
ကစားသမားတစ်ဦးအနေနဲ့ သူအဆင်ပြေပါစေလို့ ဆုတောင်းပေးပါတယ်။ အပြောင်းအရွှေ့တွေက အလှည့်အပြောင်းတွေများပါတယ်။ ဘာမဆိုဖြစ်နိုင်ပါတယ်။

အခုချိန်မှာတော့ ဆွန်ကအသင်းအတွက်အပြည့်အဝအာရုံစိုက်ပြီး မနက်ဖြန်အတွက် ကစားပေးမယ့်ကစားသမားတစ်ဦးအဖြစ် ရှိနေပါတယ်။ အသင်းမှာကာလရှည်ကစားခဲ့တဲ့ကစားသမားတစ်ဦးဆိုရင် အသင်းဘက်က အမြဲတမ်းဆုံးဖြတ်ချက်ချမှတ်ရပါတယ်။ အသင်းကနေထွက်ခွာချင်တဲ့ကစားသမားရှိလာတယ်ဆိုရင် အဆုံးသတ်မှာ အသင်းဘက်ကပဲ ဆုံးဖြတ်ရမှာပါ။

ပထမဆုံး နဲ့ နောက်ဆုံးပြောရရင် သူဒီမှာရှိနေပါတယ်။ ကျွန်တော် အဲ့အကြောင်း အများကြီးမစိုးရိမ်ပါဘူး။ ၅ ပတ် ၆ ပတ်လောက်ကျန်နေသေးတာကြောင့် လာမယ့်အပတ်တွေမှာ ဘာမဆိုဖြစ်လာနိုင်ပါတယ်။ကျွန်တော့်အဖြေတွေကိုလည်း လေ့ကျင့်သွားမှာပါ။ အခုတော့ သူက ဒီမှာရှိနေဆဲပါ”လို့ ဖရန့်ခ်က ဖြေကြားခဲ့ပါတယ်။