The network connection is lost.

Banner Image

အပြောင်းအရွှေ့သတင်းအမှားတွေနဲ့ပတ်သက်ပြီး ငြင်းဆန်လိုက်တဲ့ ဒီမာရီယာ

ဘင်ဖီကာအသင်းစတား ဒီမာရီယာက သူ့အနေနဲ့ နွေရာသီမှာ ကလပ်အမေရိကကိုပြောင်းမယ်ဆိုတဲ့သတင်းတွေကို ငြင်းဆန်လိုက်ပါတယ်။ ဒီမာရီယာကို ကလပ်အမေရိကအသင်းက ချိတ်ဆက်နေပြီး အခုချိန်မှာ ကစားသမားကိုယ်တိုင်က သတင်းအမှားတွေလို့ ငြင်းဆန်ခဲ့တာဖြစ်ပါတယ်။ အာဂျင်တိုင်းသားဟာ ဒီရာသီဘင်ဖီကာအသင်းအတွက် ပြိုင်ပွဲစုံ ၃၂ ပွဲအထိ ပါဝင်ကစားထားကာ ၁၄ ဂိုးသွင်း ၊ ၈ ဂိုးဖန်တီးထားနိုင်ခဲ့ပါတယ်။

ဘင်ဖီကာ နဲ့ ဒီမာရီယာတို့ကြား စာချုပ်သက်တမ်းက ဇွန်လမှာကုန်ဆုံးမှာဖြစ်တာကြောင့် အခုလိုမျိုးသတင်းတွေထွက်ပေါ်လာခဲ့တာဖြစ်ပါတယ်။ ဒါပေမယ့်လည်း ရီးရဲလ်စတားဟောင်း အဆိုပါသတင်းအမှားတွေကို ငြင်းဆန်ခဲ့ပါတယ်။“နောက်တစ်ကြိမ် ကျွန်တော်တို့ အမှားတွေနဲ့ စတင်နေပါပြီ။ အခုလိုမျိုးအရာတွေဖန်တီးနေတာက ရှက်စရာပါ”လို့ ဒီမာရီယာက လူမှုမီဒီယာမှာ တင်ခဲ့ပါတယ်။

ဘင်ဖီကာနဲ့အနာဂတ်မသေချာချိန်မှာ စီးပွားရေးသမားတွေကလည်း စပွန်ဆာတွေကို အသုံးချပြီး ခေါ်ယူဖို့ ပြင်ဆင်လာပါတယ်။ အမေရိကအသင်းဟာ Adidas အကျီကို လာမယ့်ပြိုင်ပွဲမှာ ဝတ်ဆင်မှာဖြစ်ပြီး အဆိုပါအကျီစပွန်ဆာဘက်က အာဂျင်တိုင်းသားရဲ့လုပ်ခလစာကို အစိတ်အပိုင်းအဖြစ် ပေးအပ်တယ်လို့ သတင်းတွေက ဆိုပါတယ်။

အာဂျင်တီးနားအသင်းအတွက်တော့ ဒီမာရီယာဟာ ၁၄၅ ပွဲအထိ ပါဝင်ကစားထားကာ ၃၁ ဂိုးသွင်းယူပေးထားကာ ၂၀၀၈ ခုနှစ်မှာ ပွဲဦးထွက်ပါဝင်ခွင့်ရရှိခဲ့ပြီး ၂၀၂၄ ကိုပါအမေရိကချန်ပီယံဖြစ်ပြီးနောက် အနားယူခဲ့ပါတယ်။ ကလပ်အသင်း နဲ့ နိုင်ငံအသင်းအဆင့်တွေမှာ ဒီမာရီယာဟာ သမိုင်းတစ်လျှောက်အကောင်းဆုံးတွေထဲကတစ်ဦးအဖြစ်သတ်မှတ်ခံထားရပြီး ဆုဖလား ၃၇ လုံးအထိ ရယူထားနိုင်ခဲ့ပါတယ်။

အဲ့ဖလားတွေမှာ ၂၀၂၂ ကမ္ဘာ့ဖလား ၊ ကိုပါအမေရိကဖလား ၂ ကြိမ် ၊ ချန်ပီယံလိဂ် ၁ ကြိမ် နဲ့ လီဂူးဝမ်း ၅ ကြိမ်တို့ ပါဝင်နေပါတယ်။ ကလပ်ကမ္ဘာ့ဖလားရှိနေတာကြောင့် ဖီဖာရဲ့ကမ်းလှမ်းမှုကို စောင့်ဆိုင်းနေတဲ့ ကလပ်အမေရိကအသင်းဟာ လာမယ့်စနေနေ့မှာ တိုက်ဂါးရက်စ်အသင်းနဲ့ရင်ဆိုင်ရမှာဖြစ်ပါတယ်။လက်ရှိပြိုင်ပွဲမှာတော့ ကလပ်အမေရိကအသင်းဟာ ရမှတ် ၂၇ မှတ်နဲ့ ထိပ်ဆုံးမှာ ရပ်တည်နေပါတယ်။