သတင်းတွေအရ အာဆင်နယ်အသင်းဟာ ဆိုစီဒက်စတား ဇူဘီမန်ဒီကို ခေါ်ယူနိုင်ဖို့ ဆွေးနွေးနေတာအဆင်ပြေနေပြီး ကနဦးသဘောတူညီမှုရရှိခဲ့ပြီဖြစ်တယ်လို့ သိရပါတယ်။ အာဆင်နယ်ဟာ စပိန်သားကို အခုဆောင်းဈေးကွက်မှာ အာဆင်နယ်အသင်းထံပြောင်းရွှေ့လာစေချင်ပေမယ့် ဆိုစီဒက်ဘက်က ရာသီကုန်အထိ ဆက်ထိန်းထားချင်နေပါတယ်။ ပါတေး နဲ့ ဂျော်ဂျင်ဟိုတို့ထွက်ခွာမယ့်အနေအထားမှာ အာဆင်နယ်ဟာ ကွင်းလယ်ပိုင်းအတွက် ကြိုတင်ပြင်ဆင်နေပြီး ဇူဘီမန်ဒီကို ချိတ်ဆက်ခဲ့တာဖြစ်ပါတယ်။

စပိန်သားရဲ့စာချုပ်ဖျက်သိမ်းကြေးက ပေါင် ၅၁ သန်းရှိနေပြီး အာဆင်နယ်ဘက်ကလည်း ပေးချေဖို့အဆင်သင့်ရှိနေပါတယ်။ လီဗာပူး နဲ့ မန်စီးတီးအသင်းက ဆိုစီဒက်စတားကို ချိတ်ဆက်ခဲ့သေးပေမယ့် အာဆင်နယ်ဘက်က လက်ဦးမှုရယူနိုင်ခဲ့တာဖြစ်ပါတယ်။ စီးတီးဘက်ကတော့ ရိုဒရီဒဏ်ရာရရှိခဲ့တာကြောင့် စပိန်သားကို ချိတ်ဆက်ခဲ့သေးတာဖြစ်ပါတယ်။ ဇူဘီမန်ဒီကိုသာခေါ်ယူနိုင်ခဲ့မယ်ဆိုရင် အာဆင်နယ်အနေနဲ့ တိုက်စစ်ကို မြှားဦးလှည့်ဖွယ်ရှိနေပြီး ဂျီးဆပ်စ် နဲ့ ဆာကာတို့ ဒဏ်ရာရရှိနေတဲ့အနေအထားမှာ တိုက်စစ်မှူးခေါ်ယူဖွယ်ရှိနေပါတယ်။

ဟာဗက်ဇ်ကလည်း စွမ်းဆောင်ရည်ကျဆင်းတဲ့အနေအထားမှာ အာဆင်နယ်ဟာ အက်ဖ်အေ နဲ့ ကာရာဘောင် ၂ ပွဲဆက်အရေးနိမ့်ခဲ့တာကြောင့် လာမယ့်တော့တင်ဟမ်နဲ့ပွဲကို အာရုံစိုက်ရတော့မှာဖြစ်ပါတယ်။