အန်ဆု ဖာတီဟာ ယခုနွေရာသီတွင် ဘာစီလိုနာမှ ထွက်ခွာရန် အားလုံး အသင့်ဖြစ်နေပြီဖြစ်ပြီး မိုနာကိုဟာ သူ့ကို ခေါ်ယူရန် နီးစပ်လာပြီဖြစ်ပါတယ်။ ယခင် ဘာစီလိုနာရဲ့ ဘောလုံးကြယ်ပွင့်ဟာ ယခုနွေရာသီတွင် ကလပ်နှင့် ကြုံတွေ့နေရသော အိပ်မက်ဆိုးခရီးကို အဆုံးသတ်ရန် အားလုံး အသင့်ဖြစ်နေပြီဖြစ်ကြောင်း ဖာဘရီဇီယိုရိုမန်နိုရဲ့ အဆိုအရ မိုနာကိုဟာ တောင်ပံကစားသမားကို ခေါ်ယူရန် သဘောတူညီမှုတစ်ခုအတွက် လုပ်ဆောင်နေသည်ဟု သတင်းများက ဖော်ပြနေပါတယ်။ အဆိုပါ သတင်းထောက်က ပြင်သစ်ကလပ်ဟာ ကနဦး အငှားဖြင့် ခေါ်ယူပြီး နောင်တွင် အပြီးသတ်ဝယ်ယူနိုင်တဲ့ ရွေးချယ်ခွင့် ကာတာလန်ဘက်ခြမ်းသို့ ပြန်လည်ရောင်းချပါက ရရှိမည့် အပိုဆောင်းငွေ (sell-on clause) ဖြင့် လုပ်ဆောင်နေကြောင်း ဖော်ပြထားပါတယ်။

ဘာစီလိုနာရဲ့ နာမည်ကျော် La Masia အကယ်ဒီမီထွက် ဖာတီဟာ ၂၀၁၉ ခုနှစ်တွင် ကလပ်အတွက် ပထမဆုံးအသင်းကြီးတွင် စတင် ပါဝင်ကစားခဲ့ပါတယ်။ သူဟာ ၂၀၂၃-၂၄ ဘောလုံးရာသီ တစ်လျှောက်လုံး ဘရိုက်တန်တွင် အငှားဖြင့် ကစားခဲ့ပြီး ဟန်ဆီဖလစ်ရဲ့ လက်အောက်တွင် သူ့ကစားသမားဘဝကို ပြန်လည် အသက်သွင်းရန် ပြီးခဲ့တဲ့ နွေရာသီက အသင်းသို့ ပြန်လာခဲ့ပါတယ်။ သို့သော် သူ့ရဲ့ ခရီးစဉ်က စီစဉ်ထားသည့်အတိုင်း ဖြစ်မလာခဲ့ဘဲ လက်ရှိနည်းပြ ဖလစ်က ရာသီတစ်လျှောက်လုံးတွင် ၁၁ ပွဲသာ ပွဲထွက်ခွင့်ပေးခဲ့ပြီး ကစားသမားဟာ ကွင်းအတွင်း ၂၉၈ မိနစ်သာ ကစားခဲ့ရပါတယ်။

Mundo Deportivo သတင်းစာက ပြီးခဲ့တဲ့လက ဖော်ပြခဲ့ရာတွင် ဖာတီဟာ နည်းပြဖလစ်ရဲ့ လက်အောက်ရှိ အခြေအနေကြောင့် စိတ်ပျက်ဝမ်းနည်းပြီး ထိခိုက်ခဲ့ကြောင်း အထူးသဖြင့် ဆောင်းရာသီတွင် မိခင်ကလပ်အတွက် ပါဝင်ကစားခွင့်ရရှိရန် မျှော်လင့်ချက်ဖြင့် ကမ်းလှမ်းမှုများစွာကို ငြင်းဆန်ခဲ့ပြီးနောက် ဖြစ်ကြောင်း ဖော်ပြခဲ့ပါတယ်။ ကာတာလန်ကလပ်ဟာ ယခုတနင်္ဂနွေညတွင် အက်သလက်တစ်ကလပ်နှင့် အဝေးကွင်းပွဲစဉ်အဖြစ် ရင်ဆိုင်ကစားမှာဖြစ်ပြီး ထိုပွဲစဉ်ဟာ ၂၀၂၄-၂၅ ဘောလုံးရာသီရဲ့ နောက်ဆုံးပွဲစဉ် ဖြစ်ပါတယ်။