ရီးရဲလ်မက်ဒရစ်နည်းပြ ကာလိုအန်ဆယ်လော့တီက အာဆင်နယ်နဲ့ ကစားမယ့် ချန်ပီယံလိဂ် ကွာတားဖိုင်နယ် ဒုတိယအကျော့ပွဲစဉ်မှာ သုံးဂိုးပြတ် ရှုံးနိမ့်ထားတဲ့ အခြေအနေကို comebackနိုင်ဖို့အတွက် ကစားသမားတွေကို တိုက်တွန်းနေပါတယ်။  အန်ဆယ်လော့တီက ဘာနေဗြူးမှာ ကစားမယ့် ဒီပွဲအတွက် ကစားသမားတွေအနေနဲ့ "နှလုံးသားနဲ့ သတ္တိ" အပြည့်နဲ့ ကစားဖို့  တောင်းဆိုလိုက်တာပါ။

လက်ရှိချန်ပီယံဖြစ်တဲ့ ရီးရဲလ်မက်ဒရစ်ဟာ ပြီးခဲ့တဲ့အပတ်က အာဆင်နယ်ရဲ့ အီမရိတ်ကွင်းမှာ သုံးဂိုး ဂိုးမရှိနဲ့ အံ့အားဖွယ် ရှုံးနိမ့်ခဲ့ပါတယ်။ ချန်ပီယံလိဂ်မှာ သူတို့ရဲ့ မျှော်လင့်ချက်တွေကို ဆက်လက်ရှင်သန်နိုင်ဖို့အတွက် အတော်လေး ခက်ခဲတဲ့ အခြေအနေကို ရင်ဆိုင်နေရတဲ့ အန်ဆယ်လော့တီက အရေးကြီးတဲ့ ဒီပွဲမတိုင်ခင်မှာ မီဒီယာတွေကို ပြောကြားရာမှာ အသင်းအနေနဲ့ ဆုံးဖြတ်ချက်ပြတ်သားမှု ပြသဖို့ လိုအပ်ကြောင်း အလေးပေး ပြောသွားပါတယ်။ 

အန်ဆယ်လော့တီက "ကျွန်တော်တို့ဟာ နှလုံးသားနဲ့ သတ္တိအပြည့်နဲ့ ကစားဖို့ လိုအပ်ပါတယ်" လို့ ပြောကြားခဲ့ပါတယ်။ ဒါ့အပြင် အန်ဆယ်လော့တီက ရီးရဲလ်မက်ဒရစ်မှာရှိတဲ့ အနာဂတ်နဲ့ ပတ်သက်ပြီး ထွက်ပေါ်နေတဲ့ သတင်းတွေကိုလည်း ငြင်းဆန်ခဲ့ပါတယ်။ ချန်ပီယံလိဂ်က ထွက်ခဲ့ရရင်တောင် သူ့ကို ရာထူးက ထုတ်ပယ်မှာ မဟုတ်ဘူးလို့ အန်ဆယ်လော့တီက ခိုင်ခိုင်မာမာ ပြောခဲ့ပါတယ်။ 

"ဒီပွဲက ရီးရဲလ်မက်ဒရစ်က ကျွန်တော့်ရဲ့အနာဂတ်ကို သက်ရောက်လိမ့်မယ်လို့ ကျွန်တော် မထင်ပါဘူး။ မနက်ဖြန်အတွက် ကျွန်တော် စိတ်လှုပ်ရှားနေပါတယ်။ စိတ်ကို အေးအေးထားပြီး ဆက်လုပ်ပါ။ ဒါဟာ ကျွန်တော့်ရဲ့ ပထမဆုံး အရေးကြီးပွဲတော့ မဟုတ်ပါဘူး၊ နောက်ဆုံးပွဲလည်း မဖြစ်ပါစေလို့ မျှော်လင့်ပါတယ်။ ကျွန်တော် စိတ်လှုပ်ရှားနေပါတယ်" လို့ အန်ဆယ်လော့တီက ဆိုပါတယ်။