၂၀၂၆-၂၀၂၇ ဘောလုံးရာသီစတင်ချိန် အဆိုးရွားဆုံးရလဒ်တွေနဲ့ ရင်ဆိုင်ရပြီးနောက် စီးရီးအေကလပ်ဘိုလော့ဂ်နာအသင်းက နည်းပြဒိုမင်နီကိုတီဒက်စ်ကို,ကို ရာထူးမှဖယ်ရှားဖို့ ပြင်ဆင်နေပြီလို့ သတင်းတွေထွက်ပေါ်လာပါတယ်။

လိဂ်ပွဲစဉ်သုံးခုအပြီးမှာတင် ဖီအိုရင်တီးနားနဲ့ လမ်းခွဲခဲ့တဲ့ ဂရော့ဆိုကတော့ အခုရာသီ၊ စီးရီးအေပြိုင်ပွဲမှာ ရာထူးမှထုတ်ပယ်ခံရတဲ့ ပထမဆုံးနည်းပြ ဖြစ်လာခဲ့ပါတယ်။
 
ဖာဘရီဇီယိုရိုမာနိုရဲ့ဖော်ပြချက်အရ ဘိုလော့ဂ်နာကလည်း အဖွင့်ပွဲစဉ်လေးပွဲဆက်နိုင်ပွဲပျောက်ပြီးနောက် အသက် ၄၁ နှစ်အရွယ်နည်းပြတီဒက်စ်ကို,ကို ရာထူးမှထုတ်ပယ်လိုက်ဖို့ စဉ်းစားနေပြီလို့ သိရပါတယ်။
 
ဘိုလော့ဂ်နာက စီးရီးအေရာသီအဖွင့်ကာလမှာ သုံးပွဲရှုံး၊ တစ်ပွဲသရေ ရလဒ်နဲ့အတူ အဆင့် ၁၆ နေရာဆီ ရောက်ရှိနေပြီး နှစ်ဂိုးသာ သွင်းယူထားနိုင်ပါတယ်။
 
ဒါ့အပြင် အတ္တလန္တာအသင်းကို တာဝန်ယူကိုင်တွယ်ဖူးတဲ့ ရာဖာအယ်လ်ပါလာဒီနိုနဲ့လည်း ဘိုလော့ဂ်နာတို့ သဘောတူညီမှုရရှိထားပြီး မကြာခင် နည်းပြအပြောင်းအလဲမြင်ရနိုင်တယ်လို့ ရိုမာနိုရဲ့ဖော်ပြမှုအရ သိရပါတယ်။