နယူးကာဆယ်အသင်းဟာ ဘရာဂါအသင်းနဲ့ ချက်သမ္မတနိုင်ငံအသင်းရဲ့ ဂိုးသမားဖြစ်သူ လူကပ်စ်ဟော်နီဆက်ကို စောင့်ကြည့်နေတယ်လို့ သတင်းတွေအရ သိရပါတယ်။ အသက် ၂၄ နှစ်အရွယ် ဟော်နီဆက်ဟာ ချက်လူမျိုးတစ်ဦးဖြစ်ပေမဲ့ သူ့ရဲ့ ပရော်ဖက်ရှင်နယ် ကစားသမားဘဝ တစ်လျှောက်လုံးကို ပေါ်တူဂီကလပ် ဘရာဂါအသင်းမှာပဲ ကုန်ဆုံးခဲ့တာဖြစ်ပါတယ်။ ပြီးခဲ့တဲ့ရာသီဟာ သူ့အနေနဲ့ အသင်းရဲ့ အမှတ်တစ်ဂိုးသမားအဖြစ် ပထမဆုံး စတင်ကစားခဲ့တဲ့ ရာသီဖြစ်ပြီး ပေါ်တူဂီလိဂ်ပွဲစဉ် ၃၃ ပွဲမှာ ပေးဂိုး ၃၃ ဂိုးရှိခဲ့ကာ ၁၂ ပွဲအထိ ဂိုးမပေးရအောင် ကာကွယ်နိုင်ခဲ့ပါတယ်။

Sky Sports ရဲ့ ဖော်ပြချက်အရ နယူးကာဆယ်အသင်းဟာ ဒီဂိုးသမားကို စောင့်ကြည့်နေပေမဲ့ ကမ်းလှမ်းမှုတော့ မလုပ်ရသေးဘူးလို့ သိရပါတယ်။ ဟော်နီဆက်ကို ခေါ်ယူချင်တဲ့ ပရီးမီးယားလိဂ်ကလပ်အသင်း အများအပြားရှိနေပြီး ဘရာဂါအသင်းနဲ့ ချုပ်ဆိုထားတဲ့ သူ့ရဲ့ စာချုပ်ထဲမှာ ယူရို သန်း ၃၀ နဲ့ စာချုပ်ဖျက်သိမ်းခွင့်ရှိတယ်လို့ ပါရှိပါတယ်။ တန်းတက်လာတဲ့ ဟားလ်စီးတီးအသင်းရဲ့ ကမ်းလှမ်းမှုကို ငြင်းဆိုထားပြီးဖြစ်သလို နယူးကာဆယ်အသင်းကလည်း ရိမ်းစ်အသင်းကနေ အီဝန်ဂျောင်ဝင်ကို ခေါ်ယူပြီးနောက်မှာ နောက်ထပ် ဂိုးသမားတစ်ဦး ထပ်မံဖြည့်တင်းချင်တာကြောင့် ဟော်နီဆက်ကို ပစ်မှတ်ထားလာတာ ဖြစ်ပါတယ်။ ပေါ်တိုနဲ့ စပို့တင်းအသင်းတို့ကလည်း သူ့ရဲ့အခြေအနေကို စောင့်ကြည့်နေတယ်လို့ သိရပေမဲ့ ဒီယိုဂိုကော်စတာ ဒါမှမဟုတ် ရူအီဆေးလ်ဗားတို့ အသင်းကနေ ထွက်ခွာမှသာ ဒီအပြောင်းအရွှေ့က ဖြစ်လာနိုင်မှာပါ။