ကမ္ဘာ့ဖလားပြိုင်ပွဲမှထွက်ခွာလာရပြီးနောက် ဘရာဇီးလက်ရွေးစင်ကစားသမားဘ၀ အနားယူပြီလို့ နေမာအတည်ပြု
တနင်္ဂနွေညပိုင်းမှာ မြင်တွေ့ခဲ့ရတဲ့ နေမာရဲ့စိတ်မကောင်းစရာပုံရိပ်တွေက ကြည့်ရှုရသူတွေအတွက် တကယ့်ကို ရင်နာစရာကောင်းလှပါတယ်။
နော်ဝေကို ၂-၁ ဂိုးဖြင့်ရှုံးနိမ့်ကာ ကမ္ဘာ့ဖလားပြိုင်ပွဲမှ ဘရာဇီးအသင်း ထွက်ခွာလာရပြီးနောက် ကွင်းတွင်းမှာပဲ ရှိုက်ကြီးတငင်ငိုကြွေးနေတဲ့ နေမာရဲ့ပုံရိပ်တွေကို ရုပ်သံကင်မရာတွေ ရိုက်ကူးမိခဲ့ပါတယ်။
ကာလအတော်ကြာ ဘရာဇီးလက်ရွေးစင်အသင်းရဲ့အမှတ်တံဆိပ်ဖြစ်ခဲ့ဖူးတဲ့ နေမာက ဘရာဇီးဂျာစီဝတ်ဆင်ကာ နောက်ဆုံးပွဲစဉ်ကို ကစားခဲ့ပြီးပြီလို့ မီဒီယာတွေဆီ အတည်ပြုပြောကြားခဲ့ပါတယ်။
"ကျွန်တော် အစွမ်းကုန်ကြိုးစားခဲ့ပါတယ်။ အခုတော့ အားလုံးပြီးဆုံးသွားပါပြီ။ ဒီနေရာမှာပဲ စတင်ခဲ့ပြီး ဒီမှာပဲ အဆုံးသတ်လိုက်ပါပြီ" လို့ နေမာက Globo သတင်းဌာနဆီ ပြောခဲ့ပါတယ်။
တိုက်ဆိုင်မှုတစ်ခုအဖြစ် အသက် ၃၄ နှစ်အရွယ်နေမာက အခု နော်ဝေနဲ့ယှဉ်ပြိုင်ကစားရတဲ့ MetLife Stadium ကွင်းမှာပဲ ဘရာဇီးအတွက် သူ့ရဲ့ပထမဆုံးပွဲဦးထွက်ကို ပါဝင်ကစားခဲ့ပါတယ်။
သူက တနင်္ဂနွေနေ့ရှုံးပွဲမှာ ပင်နယ်တီမှတဆင့် အသင်းအတွက် တစ်လုံးတည်းသောချေပဂိုးကို သွင်းယူပေးခဲ့ပါတယ်။ အခုဆိုရင် နေမာက ဘရာဇီးလက်ရွေးစင်အသင်းအတွက် ပွဲ ၁၃၀ ကစား၊ ဂိုး ၈၀ အထိ သွင်းယူပေးခဲ့ပြီးနောက် အနားယူသွားပါပြီ။
