ဂျူလီယန်အယ်လ်ဗာရက်ဇ်က အက်သလက်တီကိုမက်ဒရစ်အသင်းနဲ့ စကားပြောဆိုထားပြီး ဒီနွေရာသီမှာ အသင်းမှထွက်ခွာဖို့ ကြိုးပမ်းနေတယ်လို့ အတည်ပြုခဲ့ပါတယ်။

အသက် ၂၆ နှစ်အရွယ်ကစားသမားကို ဥရောပထိပ်တန်းကလပ်အချို့က စိတ်ဝင်စားနေကြပြီး အထူးသဖြင့် လီဝန်ဒေါစကီးရဲ့နေရာမှာ အစားထိုးဖို့ ရှာဖွေနေတဲ့ ဘာစီလိုနာအသင်းက ပိုမိုစိတ်ဝင်စားနေပါတယ်။

ရီးရဲလ်မက်ဒရစ်အသင်းက ဥက္ကဋ္ဌရွေးကောက်ပွဲအတွင်း ဖလော်ရင်တီနိုပီရက်ဇ်ကတိပြုခဲ့တဲ့အတိုင်း အယ်လ်ဗာရက်ဇ်အတွက် ယူရို သန်း ၁၅၀ အထိ ကမ်းလှမ်းခဲ့ဖူးပေမဲ့ အက်သလက်တီကိုမက်ဒရစ်ရဲ့ငြင်းဆန်းမှုနဲ့ ရင်ဆိုင်ခဲ့ရပါတယ်။

သြစတြီးယားကို ၂-၀ ဂိုးဖြင့် အနိုင်ရရှိခဲ့တဲ့ အာဂျင်တီးနားရဲ့ကမ္ဘာ့ဖလားပွဲစဉ်အပြီး ESPN နဲ့ တွေ့ဆုံချိန် အယ်လ်ဗာရက်ဇ်က အက်သလက်တီကိုမက်ဒရစ်မှ ထွက်ခွာချင်တဲ့ သူ့ရဲ့ဆန္ဒကို အတည်ပြုခဲ့ပါတယ်။

"ကျွန်တော်လည်း ဖုံးကွယ်မထားချင်ပါဘူး။ ရိုးသားတဲ့သူတစ်ဦး ဖြစ်အောင် ကြိုးစားပါတယ်။ ကျွန်တော်စကားပြောဖို့လိုအပ်တဲ့ အသင်းတာဝန်ရှိသူတွေနဲ့ စကားပြောခဲ့ပြီးပါပြီ။ လူတိုင်းအတွက် အကောင်းဆုံးအရာကတော့ အပြောင်းအရွှေ့တစ်ခုဖြစ်ပြီး ကျွန်တော့်ရဲ့အိပ်မက်ကိုလည်း အကောင်အထည်ဖော်ချင်ပါတယ်" လို့ သူက ပြောကြားခဲ့ပါတယ်။