ဂျီရော့ဒ်ရဲ့စံချိန်ကို ကျော်ဖြတ်ပြီး ပြင်သစ်လက်ရွေးစင်အသင်းသမိုင်းတစ်လျှောက် သွင်းဂိုးအများဆုံးကစားသမားဖြစ်လာခဲ့တဲ့ အမ်ဘာပေ
ကမ္ဘာ့ဖလားအုပ်စုအဖွင့်ပွဲစဉ်အဖြစ် ဆီနီဂေါအသင်းကို ၃-၁ ဂိုးဖြင့် အနိုင်ယူခဲ့တဲ့ ပြင်သစ်အသင်းရဲ့ ပွဲစဉ်မှာ နှစ်ဂိုးသွင်းယူခဲ့ပြီးနောက် အသက်-၂၇ နှစ်အရွယ်အမ်ဘာပေက အသက်-၃၉ နှစ်အရွယ် ဂျီရော့ဒ်ရေးထိုးထားတဲ့ နိုင်ငံ့လက်ရွေးစင်အသင်းအတွက် သွင်းဂိုးအများဆုံးကစားသမားစံချိန်ကို ချိုးဖျက်နိုင်ခဲ့ပါတယ်။ ရီးရဲလ်မက်ဒရစ်တိုက်စစ်မှူးက လက်ရှိမှာ လက်ရွေးစင်အဆင့်ပွဲစဉ် ၈၄ ပွဲကစား၊ ၅၈ ဂိုး သွင်းယူထားပြီး ပြင်သစ်လက်ရွေးစင်အသင်းရဲ့ သမိုင်းတလျှောက်သွင်းဂိုးအများဆုံး ကစားသမားဖြစ်လာခဲ့ပါတယ်။
ပြင်သစ်အသင်းခေါင်းဆောင်က ပင်နယ်တီရရှိမယ်ဆိုတဲ့ မျှော်လင့်ချက်နဲ့အတူ ဒီစံချိန်ကို စောစောစီးစီးလိုက်မီဖို့ အခွင့်အရေးရှိခဲ့တယ်လို့ ယူဆခဲ့ပါတယ်။ ဒါပေမဲ့လည်း အသက် ၂၇ နှစ်အရွယ် ကစားသမားက အခုလိုစိတ်ပျက်စရာတွေကို ချန်ထားခဲ့ပြီး အိုလီစီရဲ့ကောင်းမွန်လှတဲ့ဖန်တီးပေးမှုမှတဆင့် အသင်းအတွက် ဦးဆောင်ဂိုး သွင်းယူပေးခဲ့ပါတယ်။
သွင်းဂိုးမှတ်တမ်းတူညီသွားပြီးနောက် ဒီပြင်သစ်တိုက်စစ်ကြယ်ပွင့်က တစ်ဦးတည်းစံချိန်ရှင်ဖြစ်လာဖို့ ပစ်မှတ်ထားခဲ့ပါတယ်။ ဒီမျှော်လင့်ချက်က သူ့အတွက် အချိန်အများကြီး မကြာခဲ့ပါဘူး။ ပွဲပြီးခါနီး နာကျင်အချိန်ပိုမှာတော့ အမ်ဘာပေက အားပါပြင်းထန်လှတဲ့အဝေးကန်ချက်နဲ့အတူ အသင်းအတွက် သမိုင်းစံချိန်သစ်ဖြစ်လာမယ့် အနိုင်ဂိုးကို သွင်းယူပေးခဲ့ပါတယ်။
