ကိုလုံးအသင်းတောင်ပံကစားသမား အယ်လ်မာလက ဘရန့်ဖို့ဒ်ဆီ ပြောင်းရွှေ့မယ့် အစီအစဉ်ကို ငြင်းပယ်ပြီးနောက် ဘွန်ဒက်စ်လီဂါကလပ်အသင်းမှာပဲ ဆက်ရှိနေဖို့ ဆုံးဖြတ်ခဲ့တယ်လို့ သတင်းတွေအရ သိရပါတယ်။

ဘရန့်ဖို့ဒ်အသင်းက ဒီလူငယ်ကစားသမားကို ခေါ်ယူဖို့အတွက် ကလပ်စံချိန်တင်ပြောင်းရွှေ့ကြေးဖြစ်တဲ့ ယူရို ၄၅ သန်းအပြင် ထပ်ဆောင်းဆုကြေး ယူရို ၅ သန်းဖြင့် ကမ်းလှမ်းခဲ့တယ်လို့ သိရပါတယ်။

ဒါပေမဲ့ အသက် ၁၉ နှစ်အရွယ် အယ်လ်မာလက သူ့ရဲ့ညီအစ်ကိုတော်စပ်သူ မာလက်ခ်အယ်လ်မာလကိုပါ ခေါ်ယူရမယ့်အစီအစဉ်အပေါ် ဘရန့်ဖို့ဒ်ငြင်းဆန်ခဲ့ပြီးနောက် အပြောင်းအရွှေ့ပြုလုပ်ဖို့ ငြင်းပယ်ခဲ့ပါတယ်။

Kicker ရဲ့ဖော်ပြချက်အရ အယ်လ်မာလက ဒီနွေရာသီအပြောင်းအရွှေ့ကာလအပြီးမှာလည်း ကိုလုံးအသင်းမှာပဲ ဆက်ရှိနေမယ်လို့ သိရပါတယ်။

ကလပ်အသင်းဘက်ကတော့ ဆွဲဆောင်မှုရှိတဲ့ကမ်းလှမ်းမှုမျိုးရရှိခဲ့ရင် ရောင်းချဖို့ လမ်းဖွင့်ထားဆဲ ဖြစ်ပေမဲ့ ဒီတောင်ပံကစားသမားကိုယ်တိုင်ကတော့ အပြောင်းအရွှေ့အတွက် တွန်းအားပေးသွားဖို့ မရှိပါဘူး။