ဘာစီလိုနာအသင်းရဲ့ ကစားသမားသစ် အက်ဘ်ဒယ်လ်ကာရင် အီဂျစ်ကို ပြန်သွားရ
စာရွက်စာတမ်း အခက်အခဲတွေကြောင့် ဟမ်ဇာ အက်ဘ်ဒယ်လ်ကာရင်ဟာ ဘာစီလိုနာမှာ ကစားသမားဘဝ စတင်နိုင်ဖို့ ကြန့်ကြာနေပါတယ်။
ပြီးခဲ့တဲ့ ဇန်နဝါရီလက အီဂျစ်ကလပ် အယ်လ်အာလီအသင်းကနေ ခေါ်ယူခဲ့တဲ့ ဒီလူငယ်ကစားသမားလေးဟာ အခုအချိန်ဆိုရင် ဘာစီလိုနာ အသင်းခွဲမှာ ဝင်ရောက်ကစားနေရပြီလို့ အားလုံးက မျှော်လင့်ထားခဲ့ကြတာပါ။
ဒါပေမဲ့ သူဟာ အခုအချိန်အထိ အသင်းအတွက် ပွဲဦးထွက် ကစားခွင့် မရသေးပါဘူး။
ကစားသမားမှတ်ပုံတင်တဲ့ လုပ်ငန်းစဉ်တွေက အခုထိ မပြီးပြတ်သေးတာကြောင့် စာရွက်စာတမ်းကိစ္စတွေကို မြန်မြန်ဆန်ဆန် ပြီးစီးအောင် လုပ်ဆောင်နိုင်ဖို့အတွက် အက်ဘ်ဒယ်လ်ကာရင်ဟာ အီဂျစ်ကို ပြန်သွားဖို့ ဆုံးဖြတ်လိုက်တာ ဖြစ်ပါတယ်။
အသက် ၁၈ နှစ်အရွယ်ရှိပြီဖြစ်တဲ့ အက်ဘ်ဒယ်လ်ကာရင်ဟာ ဘာစီလိုနာမှာ သူ့ရဲ့ကစားသမားဘဝကို အမြန်ဆုံး စတင်နိုင်ဖို့အတွက် အလွန် စိတ်အားထက်သန်နေပါတယ်။
