လေဗာကူဆင်အသင်းကွင်းလယ်လူ ဇာခါက အာဆင်နယ်အသင်းမှာ ရခဲ့တဲ့အတွေ့အကြုံကိုယူပြီး လေဗာကူဆင်အသင်းဖော်တွေအား ဘွန်ဒက်စ်လီဂါချန်ပီယံဆုနဲ့ ပတ်သက်လို့ သတိပေးလိုက်ပါတယ်။

ပြီးခဲ့တဲ့နွေရာသီတုန်းက ဇာခါဟာ ၇ နှစ်ကြာ ကစားခဲ့တဲ့ အာဆင်နယ်ကို စွန့်ခွာပြီး လေဗာကူဆင်အသင်းထံ ပြောင်းရွှေ့လာခဲ့ကာ ဒီရာသီအသင်းရဲ့အဓိက ကစားသမားတစ်ဦးအဖြစ် ခြေစွမ်းပြနေတာဖြစ်ပါတယ်။ လေဗာကူဆင်ဟာ ဘွန်ဒက်စ်လီဂါမြေမှာ အခုချိန်အထိ ရှုံးပွဲမရှိသေးပဲ ဒုတိယနေရာက ဘိုင်ယန်မြူးနစ်ကို ၁၀ မှတ်ဖြတ်ကာ ဦးဆောင်နေပါတယ်။

ကိုလုံးအသင်းကို အနိုင်ရပြီးနောက် အလွန်ဆိုရဲ့အသင်းဟာ ချန်ပီယံဆုအတွက် အခြေအနေကောင်းလာခဲ့ပြီး ဖရင်းပေါင် နဲ့ ဂရီမယ်လ်ဒိုတို့က အနိုင်ဂိုးတွေကို သွင်းယူပေးနိုင်ခဲ့ပါတယ်။

ဇာခါကတော့ ဒီရာသီလေဗာကူဆင်အတွက် ၂၄ ပွဲအထိ ပွဲထွက်ပါဝင်ခွင့်ရရှိထားပြီး ၅ ပွဲကန်ရာမှာ ၅ ပွဲစလုံးကိုအနိုင်ရရှိထားခဲ့ပါတယ်။ ဒါပေမယ့် ဇာခါက အာဆင်နယ်မှာဖြစ်ခဲ့တဲ့ အတွေ့အကြုံကိုယူပြီး ချန်ပီယံဆုအတွက် မမေ့လျော့ဖို့ သတိပေးပြောကြားခဲ့ပါတယ်။

“အဲ့တာက ကောင်းပါတယ်။ ကျွန်တော်တို့ အခုလက်ရှိအနေအထားကို ဂုဏ်ယူမိပါတယ်။ ဒါပေမယ့် အခုလက်ရှိဘာမှမရသေးပါဘူး။ ကျွန်တော့်ကိုယ်ပိုင်အတွေ့အကြုံအရပြောရမယ်ဆိုရင် ပြီးခဲ့တဲ့ရာသီတုန်းက ကျွန်တော်တို့ ချန်ပီယံဆုနဲ့လွဲချော်ခဲ့ပါတယ်။ ဒါကြောင့် ဒီအတွေ့အကြုံကိုယူပြီး ကျွန်တော်အဝတ်လဲခန်းထဲမှာ အသင်းဖော်တွေကို ပြန်လည်ရှင်းပြခဲ့ပါတယ်။ ၁၀ မှတ်ကွာနေပေမယ့် ၁၀ ပွဲကစားဖို့ ကျန်နေပါသေးတယ်။ ဒါပေမယ့် ၁၀ မှတ်အပြင် နောက်ထပ်အမှတ် ၃၀ လည်း ကျွန်တော်တို့ ယူနိုင်ပါသေးတယ်။ မပြီးဆုံးသေးပါဘူး။ သေချာပါတယ်။ သူတို့သိပါတယ်။ ဘာလို့လဲဆိုတော့ သူတို့က တစ်နေ့ချင်းလုပ်ဆောင်နေတာကြောင့်ပါ။ ကျွန်တော် ဒီအခြေအနေမှာရှိနေပေမယ့် ဘာဆက်ဖြစ်မလဲဆိုတာ မသိသေးပါဘူး။ ကျွန်တော် ရှင်းပြဖို့ ကြိုးစားပါတယ်။ ဒါပေမယ့် ကျွန်တော် စကားလုံးတွေနဲ့မရှင်းပြချင်ပါဘူး။ ခင်ဗျားအဲ့တာကို ခံစားနိုင်မှာပါ။ နှိမ့်ချပြီး ဆက်နေကာ တစ်နေ့ချင်းကြိုးစားဖို့ လိုအပ်ပါတယ်။ ရာသီကုန်မှသာ ကျွန်တော်တို့ ဘယ်နေရာမှာရှိနေလဲဆိုတာ ကြည့်ရပါမယ်”လို့ ဇာခါက ပြောကြားခဲ့ပါတယ်။

ဒါ့အပြင် ဇာခါက ရာသီတစ်လျှောက်အားပေးကြမ်းခဲ့တဲ့အသင်းပရိသတ်တွေကို ကျေးဇူးတင်ခဲ့ပါတယ်။ “ကျွန်တော့်ကိုယ်ကျွန်တော်အတွက် အဲ့တာက တစ်စုံတစ်ခုထူးခြားပါတယ်။ ဒါဘီပြိုင်ပွဲက ပရိသတ်တွေအတွက် ဘယ်လော်ကအထိသက်ရောက်မှုရှိလဲဆိုတာ ကျွန်တော်သိပါတယ်။ ဒီပွဲက ကျွန်တော်တို့ နိုင်ဖို့လိုအပ်တဲ့ပွဲပါ။ ကစားတာကောင်းသည်ဖြစ်စေ ဆိုးသည်ဖြစ်စေ ပရိသတ်တွေအတွက် ဒီနိုင်ပွဲက အရေးပါပါတ်။ ဒီနေ့မှာ ကျွန်တော်တို့ပရိသတ်တွေရဲ့ အားပေးမှုကို မြင်နိုင်မှာပါ။ ဒီမှာပရိသတ်ဘယ်လောက်ရှိလဲမသိပေမယ့် သူတို့ကိုကျေးဇူးတင်ချင်ပါတယ်။ ရာသီတစ်လျှောက်လုံး သူတို့အမြဲတမ်း အားပေးခဲ့ကြပါတယ်။ သူတို့ကို ကျွန်တော်တို့တစ်စုံတစ်ခုပြန်ပေးဖို့ လိုအပ်ပါတယ်”လို့ ဇာခါက ထပ်လောင်းပြောကြားခဲ့ပါတယ်။