အင်္ဂါနေ့က ကစားခဲ့တဲ့ ဘရန့်ဖို့ဒ်နှင့်ပွဲမှာ နောက်ကျဂိုးပေးလိုက်ရပြီးနောက် မန်စီးတီးရဲ့ ဆုဖလားကာကွယ်မှုဟာ ပြီးဆုံးသွားပြီဖြစ်တယ်လို့ ဖိုဒန်က ယုံကြည်နေပါတယ်။ အဆိုပါပွဲမှာ ဖိုဒန်က မန်စီးတီးအတွက် ဦးဆောင်ဂိုး ၂ဂိုး သွင်းယူပေးခဲ့ပေမယ့် ဝစ်ဆာ နှင့် နော့ဂရက်တို့ရဲ့ နောက်ကျဂိုးတွေကြောင့် သရေကျခဲ့တာဖြစ်ပါတယ်။

မန်းစီးတီးဟာ လက်ရှိရာသီအတွင်း ဆုဖလားရရှိမှုအနေအထားကနေ ၁၄ မှတ် ကျဆင်းခဲ့ပြီဖြစ်ပြီး ဂွါဒီယိုလာရဲ့လက်ထက် အမှတ်အများဆုံး လျော့နည်းခဲ့မှုက ၂၀၂၀-၂၁ နှင့် ၂၀၂၂-၂၃ ရာသီတွင် ၁၃ မှတ်သာ ဖြစ်ပါတယ်။ အင်္ဂါနေ့မှာ သရေကျခဲ့တာကြောင့် မန်းစီးတီးဟာ ၂၀၂၃ ခုနှစ် ဒီဇင်ဘာလတွင် ပဲလေ့စ်နှင့် ၂-၂ ဂိုး သရေပွဲနောက်ပိုင်း ပထမဆုံးအကြိမ်အဖြစ် ၂ ဂိုး နှင့် ၂ ဂိုး အထက်ဖြင့် ဦးဆောင်ပြီးမှ နိုင်ပွဲမရရှိခဲ့တာဖြစ်ပါတယ်။

"ဆုဖလားပြိုင်ဆိုင်မှုလား။ ဒါကတော့ပြီးဆုံးသွားခဲ့ပြီဆိုတာသေချာပါတယ်" လို့ အသင်းရဲ့အခြေအနေနဲ့ပတ်သက်ပြီးမေးမြန်းတဲ့အခါ ဖို့ဒန်က ဖြေကြားပါတယ်။ "ကျနော်တို့က ရူးသွပ်နေတဲ့သူတွေမဟုတ်ပါဘူး။ ဒါကြောင့် ထိပ်ဆုံး ၄ သင်း အတွင်းဝင်ရောက်ဖို့အတွက်ကြိုးစားသွားမှာပါ။ အသင်းရဲ့နောက်ထပ်ပစ်မှတ်ကတော့ ချန်ပီယံလိဂ် ဝင်နိုင်ဖို့ပါ" "ကျနော်တို့က လက်တွေ့ဆန်ရမှာပါမဟုတ်ဘူးလား။ ဒီနေရာကိုရောက်ဖို့အတွက် လုံလောက်တဲ့ စွမ်းဆောင်ရည်မျိုး မရှိနေပါဘူး"

"လက်ရှိနဲ့နောက်ထပ်ရည်ရွယ်ချက်ကတော့ ထိပ်ဆုံး ၄ သင်းအတွင်းဝင်ရောက်ဖို့ပါ။ ဒါကိုသေချာဖို့အတွက် ကျွန်တော်တို့ အကောင်းဆုံးကြိုးစားသွားမှာပါ" လို့ ဖိုဒန်က ပြောပါတယ်။ မန်စီးတီးရဲ့ ဆိုးရွားတဲ့ရလဒ်က ပြီးခဲ့တဲ့အောက်တိုဘာလတုန်းက တော့တင်ဟမ်ကို ၂-၁ ဂိုး ဖြင့် EFL ဖလားမှာ ရှုံးနိမ့်ပြီး စခဲ့ရတာပါ။ အဲဒီပွဲပြီးနောက် မန်းစီးတီးဟာ ပြိုင်ပွဲစုံနောက်ဆုံး ၁၀ ပွဲတွင် ၁ ပွဲသာ အနိုင်ရရှိခဲ့တာဖြစ်ပါတယ်။

ဂွါဒီယိုလာရဲ့အသင်းဟာ နှစ်သစ်ရဲ့ ပထမဆုံး ၃ ပွဲ စလုံးကို ရှုံးနိမ့်ခြင်းမရှိထားတဲ့ အသင်းဖြစ်ပါတယ်။ သို့သော်လည်း ဆုဖလားရရှိဖို့အတွက် လုံလောက်တက်ခြေစွမ်းပြသမှုမျိုးမရှိနေတာပါ။ "ပွဲတော်တော်များများကို ရှုံးနိမ့်ပြီး ဒီလိုအခြေအနေမျိုးကို ကျနော် မကြုံဖူးပါဘူး" "ဒါကြောင့် အခုလိုအခြေနေက သင်ယူမှုတစ်ခုဖြစ်ပြီးတော့ အကောင်းဆုံးပြန်လာရမှဖြစ်ပါတယ် ။ ဒါကြောင့် ကျွန်တော်တို့ ဘယ်လိုပြန်လာမလဲဆိုတာပါပဲ"

"ကျနော်ယုံကြည်ပါတယ် အသင်းကို ကျွန်တော်ယုံကြည်နေတုန်းပါပဲ ကောင်းမွန်တဲ့အရာတွေကိုလုပ်နိုင်တယ်လို့ ယုံကြည်ပါတယ်" "လေ့ကျင့်ရေးကွင်းကိုပြန်လာပြီး အဲဒီယုံကြည်ချက်အတိုင်းဆက်သွားရမှာပါ" "ပြီးခဲ့တဲ့ရာသီအနည်းငယ်မှာ ကျွန်တော်တို့ကအကောင်းဆုံးဖြစ်ခဲ့ပြီး ပြိုင်ဖက်တွေနဲ့ရင်ဆိုင်ရတဲ့အခါ သူတို့က ဘယ်လောက်အထိ ခံနိုင်ရည်စွမ်းရှိလဲဆိုတာကိုသိပါတယ်" "ပိုကောင်းမလာခဲ့ဘူးဆိုရင်တောင် ကျနော်တို့က အကောင်းဆုံးကြိုးစားရမှာပါ။ လက်ရှိအချိန်မှာတော့ အနည်းငယ်လျှော့ပါမှုတွေရှိနေပါတယ်" လို့ ဖိုဒန်က ပြောပါတယ်။