တော့တင်ဟမ်ကွင်းလယ်လူ ဘစ်ဆူးမားတစ်ယောက် ပြင်သစ်မှာရှိတဲ့ 5 Star ဟော်တယ်မှာ မျက်နှာကို မျက်ရည်ယိုဂတ်စ်နဲ့ အပတ်ခံခဲ့ရကာ ပေါင် ၂၆၀၀၀၀ ကျော်တန်နာရီ အခိုးခံခဲ့ရတယ်လို့ သိရပါတယ်။

ပေါင်သန်း ၃၀ တန်ကွင်းလယ်လူနဲ့ သူ့ဇနီးသည်ဟာ ကိန်းမှာရှိတဲ့ဟော်တယ်မှာ အတိုက်ခိုက်ခံခဲ့ရတာဖြစ်တယ်လို့ သိရပါတယ်။Hoodie အင်္ကျီဝတ်ထားတဲ့လူ ၂ ယောက်က ဘစ်ဆူးမားကို တိုက်ခိုက်ခဲ့တာဖြစ်တယ်လို့ သိရပါတယ်။ ဘရိုက်တန်စတားဟောင်းကတော့ သူ့အနေနဲ့ အဆိုပါဟော်တယ်ထဲမှာ အကူအညီတောင်းဖို့ လုပ်ဆောင်ခဲ့ပေမယ့် တံခါးတွေက ပိတ်နေခဲ့တယ်လို့ ရဲတွေကို ပြောကြားခဲ့ပါတယ်။

လုယက်သူတွေဟာ မျက်ရည်ယိုဂတ်စ်တွေနဲ့ မျက်နှာကို အသုံးပြုခဲ့ပြီး ပေါင် ၂၆၀၀၀၀ ကျော်တန်နာရီကို ခိုးယူသွားခဲ့တယ်လို့ သိရပါတယ်။ ပြင်သစ်ရဲတပ်ဖွဲ့ကတော့ အဆိုပါလုယက်မှုအတွက် စုံစမ်းစစ်ဆေးနေတယ်လို့ ဆိုပါတယ်။ အဆိုပါလုယက်မှုဟာ Cannes ရဲ့ up-market မှာ ဖြစ်ပွားခဲ့တယ်လို့ သိရပါတယ်။

ဘစ်ဆူးမားနဲ့ သူ့ရဲ့ဇနီးသည်တို့ကတော့ လာမယ့်တနင်္ဂနွေနေ့မှာ အင်္ဂလန်ကိုပြန်လာမှာ ဖြစ်ပါတယ်။ သူတို့ဟာ အားလပ်ရက်တော်တော်များများကို ပြင်သစ်က တည်းခိုခန်းမှာ ကုန်ဆုံးခဲ့တာဖြစ်ပါတယ်။ အခုဖြစ်ရပ်က မာလီနိုင်ငံသားအတွက် ဒုတိယအကြိမ်မြောက် ရှော့ခ်ရစေတဲ့ အဖြစ်အပျက်တစ်ခုလည်းဖြစ်ပါတယ်။

ဘစ်ဆူးမားဟာ ဘရိုက်တန်အတွက် ၄ ရာသီကစားခဲ့ပြီး တော့တင်ဟမ်ကိုမပြောင်းခင် ၁၂၄ ပွဲမှာ ၆ ဂိုးအထိသွင်းယူနိုင်ခဲ့ပါတယ်။ တော့တင်ဟမ်မှာတော့ ၅၆ ပွဲအထိ ပါဝင်ကစားထားကာ ဘရိုက်တန်ကို မပြောင်းခင် ဘစ်ဆူးမားဟာ ပြင်သစ်ကလပ် လိုင်လီအသင်းမှာ ကစားခဲ့တာဖြစ်ပါတယ်။ ၂၀၂၃ ဇန်နဝါရီနောက်ပိုင်းကတည်းက ကိန်းမြို့မှာ လုယက်မှုပေါင်း ၃၀ ကျော်အထိ ဖြစ်ပွားခဲ့ပါတယ်။