လိုဘော့ကာနဲ့ ပိုလီတာနိုတို့ရဲ့ဒဏ်ရာအခြေအနေနဲ့ပတ်သက်လို့ ဆေးစစ်မှုရလဒ်တွေ ထွက်ပေါ်လာပြီး ဒီကစားသမားနှစ်ဦးလုံးမှာ ကြွက်သားဒဏ်ရာပြဿနာရှိနေလို့ သီတင်းပတ်များစွာ အနားယူသွားရပါလိမ့်မယ်။ ဒီကစားသမားနှစ်ဦးက ဂျီနိုအာကို ၂-၁ ဂိုးဖြင့်အနိုင်ယူခဲ့တဲ့ လတ်တလောစီးရီးအေပွဲစဉ်မှာ ဒဏ်ရာပြဿနာကိုယ်စီနဲ့ ရင်ဆိုင်ခဲ့ရပါတယ်။

အခုလိုဆုတ်ယုတ်မှုတွေကြောင့် ကစားသမားနှစ်ဦးလုံးက ဆလိုဗက်ကီးယား၊ အီတလီလက်ရွေးစင်တာဝန်တို့မှ အသီးသီးနုတ်ထွက်ခဲ့ကြပါတယ်။ ယမန်နေ့မှာတော့ နာပိုလီအသင်းက ကစားသမားနှစ်ဦးလုံးရဲ့ဒဏ်ရာအခြေအနေဆေးစစ်မှုရလဒ်တွေကို တရားဝင်ထုတ်ပြန်လာခဲ့ပါတယ်။ စစ်ဆေးမှုတွေအရ လိုဘော့ကာရဲ့ညာပေါင်ကြွက်သားမှာ ဒဏ်ရာတစ်ခုတွေ့ရှိရပြီး ပိုလီတာနိုရဲ့ညာဘက်တင်ပါးမှာလည်း ဒဏ်ရာပြဿနာတစ်ခု ရှိနေတယ်လို့ သိရပါတယ်။

ဒီဒဏ်ရာနှစ်ခုလုံးရဲ့အသေးစိတ်အချက်အလက်တွေအရ မျိုးကွဲတွေဖြစ်လိမ့်မယ်လို့ ယူဆရပြီး ပြန်လည်သက်သာလာဖို့ ရက်သတ္တပတ်များစွာ အချိန်ယူသွားရပါလိမ့်မယ်။ အခုလိုဒဏ်ရာမျိုးမှ အနည်းဆုံးတစ်လလောက်အနားမယူဘဲ ပြန်သက်သာသူမရှိခဲ့ဖူးလို့ လိုဘော့ကာရော၊ ပိုလီတာနိုပါ ပီအက်စ်ဗွီ၊ စကူဒက်တိုပြိုင်ဘက်အင်တာမီလန်၊ ဖရန့်ဖတ်တို့နဲ့ရင်ဆိုင်ရမယ့်ပွဲစဉ်တွေအပါအဝင် ပွဲစဉ်အများစုကို လွဲချော်သွားနိုင်ပါတယ်။ ဖြစ်နိုင်ခြေအရှိဆုံးအခြေအနေမှာ လာမယ့်နိုဝင်ဘာနိုင်ငံတကာသီတင်းပတ်အလွန်အထိ လိုဘော့ကာနဲ့ ပိုလီတာနိုတို့ကို အနားပေးခြင်း ဖြစ်ပါတယ်။