ဂျူဗင်တပ်စ်အသင်းနည်းပြ သီယာဂိုမော့တာဟာ သောကြာနေ့က ကစားခဲ့တဲ့ စူပါကိုပါအီတာလီယာ ဆီမီးဖိုင်နယ်တွင် အေစီမီလန်ကို ရှုံးနိမ့်ပြီးနောက် သူ့အသင်းရဲ့ စိတ်ဓာတ်ကို ဝေဖန်ခဲ့ပါတယ်။

မော့တာရဲ့အသင်းဟာ ပထမပိုင်းတွင် ကီနန်ရဲလ်ဒီဇ်ရဲ့ပထမပိုင်းသွင်းဂိုးဖြင့် ဦးဆောင်ခဲ့သော်လည်း ဒုတိယပိုင်း၌ ပူလီဆစ်နှင့် ဂတ်တီတို့ရဲ့ဂိုးများကို ခွင့်ပြုပေးခဲ့ရတာဖြစ်ပါတယ်။

ဂျူဗင်တပ်စ်ဟာ ၈ ပွဲကစားပြီးချိန်တွင် ၄ ပွဲမြောက် နိုင်ပွဲမရှိခဲ့ခြင်းဖြစ်ပြီး မော့တာကိုယ်တိုင်ကလည်း လူစားလဲမှုအတွက် ဝေဖန်မှုများနှင့် ရင်ဆိုင်နေရပါတယ်။
ဒါပေမယ့် အီတလီသားက သူ့ကစားသမားတွေရဲ့ စိတ်ဓာတ်ကို မေးခွန်းထုတ်ဖို့ စိတ်ဝင်စားခဲ့ပါတယ်။

"အထူးသဖြင့် ပထမပိုင်းတုန်းက ကျွန်တော်တို့ လုပ်ခဲ့တဲ့အတွက် မပျော်ရွှင်နိုင်ဘူးဆိုတာ သေချာပါတယ်။ ဒုတိယပိုင်းမှာလည်း ပွဲကိုအဆုံးသတ်ဖို့ အခွင့်ရေးတွေကို မလုပ်နိုင်ခဲ့ပါဘူး"
"မီလန်ရရှိခဲ့တဲ့ အခွင့်ရေးက အရမ်းနည်းလွန်းတဲ့အတွက် သူတို့အနိုင်ရဖို့ မသင့်ပါဘူး"
"ဒီပွဲအတွင်း ကျွန်တော်ရွေးချယ်သမျှဟာ အသင်းအတွက် ကောင်းကျိုးအတွက်ပါပဲ။ ကျွန်တော်လုပ်တာ မှန်သည်ဖြစ်စေ မှားသည်ဖြစ်စေ ဆုံးဖြတ်ရမှာပဲ ဖြစ်ပါတယ်"
"ကျွန်တော်တို့ ထိန်းချုပ်ထားနိုင်ခဲ့လို့ အသင်းရဲ့ပုံစံနဲ့စိတ်ဓာတ်ကို မြှင့်တင်ဖို့ လိုပါတယ်။ အပျက်သဘောဆောင်တဲ့ အဖြစ်အပျက်တစ်ခု ကြုံလာတဲ့အခါ တုံ့ပြန်နိုင်စွမ်းရှိရပါမယ်။ ပထမဦးဆုံး အပျက်သဘောဆောင်တဲ့ အဖြစ်အပျက်မှာ တုံ့ပြန်မှု မရှိခဲ့ပါဘူး" လို့ နည်းပြက ပြောပါတယ်။

စီးရီးအေရဲ့ ထိပ်ဆုံးလေးသင်းနှင့် ၃ မှတ်ကွာအနေအထားမှာ ရှိနေသလို ချန်ပီယံလိဂ်အမှတ်ပေးဇယားတွင် နောက်တစ်ဆင့်သို့ တိုက်ရိုက်တက်ရောက်မည့်နေရာနှင့် ၂ မှတ်အကွာမှာရှိနေတဲ့ ဂျူဗင်တပ်စ်အတွက် ယခုရာသီတွင် အောင်မြင်ရန် များစွာကျန်ရှိနေပါသေးတယ်။

ကြွက်သားဒဏ်ရာကြောင့် ပွဲထွက်လူစာရင်းမှ နုတ်ထွက်ခဲ့တဲ့ ကွန်စီကာအိုနှင့် ရှေ့တန်းမှာ ယှဉ်ပြိုင်ရန်မျှော်လင့်ချက်ရှိမှာဖြစ်ပါတယ်။
မော့တာက "ကျွန်တော်တို့ သူ့ကို အကဲဖြတ်ရပါမယ်။ သူ တုန်လှုပ်သွားသလို ခံစားရပြီး ပွဲကို မစတင်နိုင်ခဲ့ပါဘူး"

"သူက ကျွန်တော်တို့အတွက် အရေးကြီးတဲ့ ကစားသမားပါ။ ဒုတိယပိုင်းမှာတော့ အပိုတစ်ခုခု လိုအပ်နေပြီး သူက ကျွန်တော်တို့ကို အဲ့ဒီလိုအရာမျိုး ပေးစွမ်းနိုင်ပါတယ်"
"ကျွန်တော်တို့မှာ အရမ်းကြိုးစားပြီး အများကြီးကစားနေရတဲ့ ကစားသမားတွေရှိပါတယ်။ ပွဲကစားချိန်ကို မျှတအောင်လုပ်ဖို့ လိုပါတယ်" လို့ ပြောပါတယ်။