လူးဝစ်ဒီယက်ဇ် ဟာ ဘာစီလိုနာသို့ ပြောင်းရွှေ့လိုနေပြီး နီကို ဝီလျံစ်က အက်သလက်တစ်ကလပ် နှင့် မမျှော်လင့်ဘဲ စာချုပ်သက်တမ်းတိုးခဲ့မှုနောက်ပိုင်း လီဗာပူးထံသို့ သူ့ရဲ့ တောင်းဆိုမှုများကို ရှင်းလင်းစွာ ကိုလံဘီယာသားက ပြောကြားမှာ ဖြစ်ပါတယ်။ ဘာစီလိုနာဟာ တောင်ပံကစားသမား ဒီယက်ဇ်ကို အရင်ကတည်းက စိတ်ဝင်စားခဲ့ပြီး ဝီလျံစ် အက်သလက်တစ် ကလပ်တွင် ဆက်နေမည်ဖြစ်ကြောင်း အတည်ပြုပြီးနောက် အားကစားဒါရိုက်တာ ဒေကိုက ဒီးယက်ဇ်ဘက်သို့ ပြန်လည်အာရုံစိုက်လာခဲ့ပါတယ်။ Mundo Deportivo ရဲ့ ဖော်ပြချက်အရ ဒီးယက်ဇ်နှင့် အေးဂျင့်တို့ဟာ ကာတာလန်သို့ ပြောင်းရွှေ့ရန် ဦးစားပေးနေပြီး လီဗာပူးကို အပြောင်းအရွှေ့ဖြစ်မြောက်စေရန် တောင်းဆိုမှာ ဖြစ်ပါတယ်။

ဝီလျံစ်ရဲ့ အပြောင်းအရွှေ့ ကိစ္စ အဆုံးသတ်သွားသည်နှင့်တစ်ပြိုင်နက် ဒီယက်ဇ်ရဲ့ အေးဂျင့်က ဘာစီလိုနာထံ စိတ်ဝင်စားကြောင်း အချက်ပြခဲ့ပါတယ်။ ဒါဟာ မည်သည့် မှတ်ပုံတင်ရန် လိုအပ်ချက်များ သို့မဟုတ် လွတ်လပ်စွာ ထွက်ခွာခွင့် စာချုပ်ပါ အပိုဆောင်းသတ်မှတ်ချက်များ တောင်းဆိုခြင်းမရှိဘဲ စာချုပ်ချုပ်ဆိုရန် ဆန္ဒရှိကြောင်း သိရပါတယ်။ ဒီယက်ဇ်ရဲ့ အဖွဲ့ဟာ ဘာစီလိုနာက မှတ်ပုံတင်ရေးကိစ္စကို အချိန်မီ ဖြေရှင်းပေးလိမ့်မယ်လို့လည်း ယုံကြည်ထားပါတယ်။

အသက် ၂၈ နှစ်အရွယ် ကစားသမားရဲ့ ဘက်မှ အခြေအနေများမှာ အပြုသဘောဆောင်နေပြီး အေးဂျင့်က လီဗာပူးဟာ ယခုနွေရာသီတွင် ငွေအများအပြား သုံးစွဲနေခြင်းကြောင့် အခြေအနေကို မျှတစေရန် အဓိက ကစားသမားတစ်ဦးကို ရောင်းချရမယ်လို့ ယုံကြည်နေပါတယ်။

ဒေကိုဟာ ယူနိုက်တက်မှ မားကပ်စ် ရက်ရှ်ဖို့ဒ်ကိုလည်း အခြားရွေးချယ်စရာအဖြစ် စိတ်ဝင်စားနေပါတယ်။ အသက် ၂၇ နှစ်အရွယ် ကစားသမားဟာ ကလပ်နှင့် ဆက်ဆံရေး အဆင်မပြေခဲ့ပြီးနောက် အိုးထရက်ဖို့ဒ်မှ ထွက်ခွာရန် စိတ်အားထက်သန်နေပါတယ်။ ဘာစီလိုနာရဲ့ လက်ရှိအခြေအနေအရ ရက်ရှ်ဖို့ဒ်အတွက် အပြောင်းအရွှေ့ဟာ ဒီးယက်ဇ်ထက် ပိုမိုနှစ်သက်ဖွယ် ကောင်းမှာဖြစ်ပါတယ်။ သို့သော် တိုက်စစ်မှူးဖြစ်သူကို ဆုံးရှုံးထားရမှုကြောင့် မာဆေးလ်ဆိုက်ကလပ်ဟာ ဒီယက်ဇ်ရဲ့ အပြောင်းအရွှေ့ကို နောက်ထပ်နှောင့်နှေးအောင် လုပ်ဆောင်နိုင်ပါတယ်။