အက်ဖ်အေဖလား ဆီမီးဖိုင်နယ်သို့ ၃၄ နှစ်အတွင်း ပထမဆုံးအကြိမ် ပြန်လည်တက်ရောက်လာနိုင်ခဲ့တဲ့ နော်တင်ဟမ်ဖောရက်စ်ဟာ ပရီးမီးယားလိဂ်ထိပ်သီးကလပ် မန်ချက်စတာစီးတီးနဲ့ ထိပ်တိုက်တွေ့ဆုံနေပြီး နောက်ထပ်ပွဲစဉ်မှာတော့ ခရစ္စတယ်ပဲလေ့စ်နဲ့ အန်စတွန်ဗီလာတို့ ထိပ်တိုက်တွေ့ဆုံနေပါတယ်။ 

နော်တင်ဟမ်ဖောရက်စ်ဟာ ကွာတားဖိုင်နယ်အဆင့်မှာ ဘရိုက်တန်ကို ပင်နယ်တီအဆုံးအဖြတ်နဲ့ အနိုင်ယူပြီး နောက်ဆုံး ၄ သင်းထဲမှာကျန်ရစ်ခဲ့တာဖြစ်ပါတယ်။ မန်စီးတီးကတော့ ဘုန်မောက်ကို အဝေးကွင်းမှာသွားရောက်အနိုင်ယူပြီး ဆီမီးဖိုင်နယ်အဆင့်သို့ ၇ နှစ်ဆက်တိုက် တက်ရောက်လာနိုင်ခဲ့တာဖြစ်ပါတယ်။ချန်ပီယံလိဂ်ပြိုင်ပွဲကနေထွက်ခွာထားခဲ့ရတဲ့မန်စီးတီးဟာ ပရီးမီးယားလိဂ်ဖလားကိုလည်း မျှော်လင့်နိုင်ခြင်းမရှိတော့လို့ ဖလားလက်မဲ့နဲ့ရာသီမသိမ်းလိုပါက အက်ဖ်အေဖလားမှာ စွမ်းဆောင်ရည်ကောင်းတွေပြသသွားဖို့လိုအပ်နေပါတယ်။ 

အက်စတွန်ဗီလာကတော့ မားကပ်စ်ရက်ရှ်ဖို့ဒ်ရဲ့ သွင်းဂိုး ၂ ဂိုးအပါအဝင် ချန်ပီယံရှစ်ကလပ် ပရက်စ်တန်ကို ၀-၃ နဲ့ဂိုးပြတ်အနိုင်ယူပြီး ၂၀၁၄-၁၅ ရာသီနောက်ပိုင်း ပထမဆုံးအကြိမ်အဖြစ် အက်ဖ်အေဖလားဆီမီးဖိုင်နယ်သို့ ပထမဆုံးအကြိမ် တက်လှမ်းလာနိုင်ခဲ့တာဖြစ်ပါတယ်။ ၂၀၁၄-၁၅ ရာသီမှာ အက်စတွန်ဗီလာဟာ ဗိုလ်လုပွဲအထိ တက်လှမ်းနိုင်ခဲ့ပေမယ့် အာဆင်နယ်ကိုရှုံးနိမ့်ခဲ့လို့ ဆုဖလားနဲ့တော့ လွဲချော်ခဲ့ရပါတယ်။ 

ခရစ္စတယ်ပဲလေ့စ်ကလည်း ဖူလ်ဟမ်ကို အဝေးကွင်းမှာ ၃ ဂိုးပြတ်သွင်းပြီး ဆီမီးဖိုင်နယ်သို့ ထိုက်ထိုက်တန်တန်တက်လှမ်းလာနိုင်ခဲ့တာဖြစ်ပါတယ်။ ပဲလေ့စ်အနေနဲ့ အသင်းသမိုင်းတစ်လျှောက် ပထမဆုံးအကြိမ်အဖြစ် ဆုဖလားဆွတ်ခူးနိုင်ဖို့ အနီးစပ်ဆုံးအခွင့်အရေးကို ပုံဖော်ထားနိုင်တယ်လို့ဆိုရမှာဖြစ်ပါတယ်။ ဆီမီးဖိုင်နယ်ပွဲစဉ်တွေကိုတော့ လာမယ့် ဧပြီလ ၂၆ နဲ့ ၂၇ ရက်တွေမှာ ကစားသွားမှာဖြစ်ပါတယ်